ලාංකීය සිතුවිලි බ්ලොග් කියවනයේ නිල බ්ලොග් අඩවිය

ජනවාරි 22 කලාපය - සිතුවිලි නිම්නය

2012-01-21T17:54:00.003+05:30

ඔබගේ බ්ලොග් අඩවිය තුල එදාමෙදා තුර ලියවුණු රසවත්ම හා හරවත්ම ලිපිය හෝ වෙනත් බ්ලොග් අඩවියක ඔබ දුටු වටිනා ලිපි සිතුවිලි නිම්නය තුලට එකතු කිරිමේ අවස්ථාව නැවතත් ඔබ වෙත ලැබි ඇත. වර්ෂ 2012 දි නැවත ආරම්භ කරන ලද සිතුවිලි නිම්නය වූ ලාංකීය සිතුවිලි මැගසින් කලාපය දැන් නැවතත් සතියකට වරක් බැගින් ඔබ වෙත රැඟෙන එයි. නව කලාපය ජනවාරි 22 කලාපය හිදි දැක ගත හැක.

ඔබ විසින් එවන ලද හෝ අප විසින් තෝරා ගන්නා ලද ලිපි හා කව්‍ය නිර්මාණ දැනට එකතු කරගැනේ. තවද අප විසින් එකතු කරගන්නා නිර්මාණ එහි පෙන්විම ඔබගේ හිමකම උල්ලංගනය කරයි නම් වහාම අපට දන්වන්න

පෙර කලාප හා නිර්මාණ එවිම සඳහා http://magazine.lankeeya.lk/ හි ඉහළින් ඇති අයිතම තීරුව තොරාගන්න

Android - ලාංකීය ඇප්ලිකේෂනය

2012-01-12T13:22:00.016+05:30

ප්‍රථම වරට ලාංකීය සිතුවිලි සඳහා ඇන්ඩ්‍රොයිඩ් ඇප්ලිකේෂන් එකක් නිකුත් කරන ලදී. අකුරු ලෙස සිංහල යුනිකෝඩ් භාවිත කරන බැවින් සිංහල යුනිකේත නිවැරදිව ක්‍රියාත්මක, ඇන්ඩ්‍රොයිඩ් පාදක ඕනෑම ජංගම දුරකතනයක් සඳහා නිවැරදිව ක්‍රියාත්මකයි.

QR Code

දැනට -
සැම්සුන් ගැලැක්සි සඳහා නියමාකාරයෙන් භාවිත වෙයි

ගැලැක්සි Ace හි දර්ශණය වන අයුරු

ස්තුතිය - කණියා

ගැලැක්සි Mini හි දර්ශණය වන අයුරු
ස්තුතිය - කෝච්චියා

ගැලැක්සි Y හි දර්ශණය වන අයුරු
ස්තුතිය - සෝරෝ

මෙම බැඳියෙන් භාගත කර ගත හැක. හෝ පහත පින්තූර මත ක්ලික් කිරිමෙන් භාගත කරගත හැක. ඔබගේ ජංගම දුරකතනයේ Application settings හි Unknown sources භාවිතයට ඉඩදී නැත්නම් එයද නිවැරදිව සකසා ගන්න

ඔබගේ ජංගම දුරකතනයට ඇතුලත් කරගත්තා නම් අප වෙත ස්ක්‍රීන් ෂොට් එකක් එවිමට කාරුණීක වන්න

නව වෙනස්කම්

2012-01-10T21:10:00.001+05:30

1. බ්ලොග් අඩවියක් ඇතුලත් කිරිම
නව ක්‍රමය අනුව ඔබ බ්ලොග් අඩවියක් ඇතුලත් කරන්නේ නම් http://lankeeya.lk/ ගොස් ලියාපදිංචි වි, අඩවිය තුලට පිවිසි ඉල්ලීම කල යුතුයි. ඉන්පසු ඔබගේ තොරතුරු වෙනස් කිරිම මෙන්ම නව බ්ලොග් අඩවි ඇතුලත් කිරිමද සිදු කල හැක

2. පුවත් අඩවි හා දිනකට ලිපි වැඩිපුර ලියන අඩවි
මෙම වර්ගයට අදාල වන බ්ලොග් අඩවි වම්පස වෙනම විදහා දක්වයි. යම් හෙයකින් ඔබ බ්ලොග් අඩවිය දිනකට ලිපි දෙකකට වඩා දිගින් දිගටම එක් කරන්නේ නම්. එවා ස්වයංක්‍රීයවම වම් පස තීරුවට ඇතුලත් වෙයි. දැනට එහි ඇතුලත් වන්නේ පුවත් අඩවි පමණි. පුවත් වල තරඟකාරිත්වය මත එසැනින් පුවත් එම තීරුව තුල දිස්වනු ඇත. එහෙත් තව දුරටත් එම අඩවි හිමියන්ට පටස් පහසුකම සලාසා දී ඇත. යම් හෙයකින් එම පහසුවද අනවශ්‍ය ලෙස යොදා ගන්නේ නම් පටස් පහසුකමද ඉවත් කීරිමට සිදු වනු ඇත

3. සිතුවිලි නිම්නය
ලාංකීය සිතුවිලි පාඨක ඔබට, මීට පෙරද ඉදිරිපත් කල සිතුවිලි නිම්නය නම් වූ අන්තර්ජාල බ්ලොග් මැගසින් නව කලාප 2012 වර්ෂයේ සිට නැවත ඔබ වෙත රැගෙන එයි. http://magazine.lankeeya.lk/ ඔස්සේ වඩා රසවත් සහ නිර්මාණශීලි ලිපි ඇතුලත් කර ඇත. එහි පළ කිරිමට ඔබටත් ලිපි ඇත්නම් එහි ඉහළ දී ඇති අයිතමයන්ගෙන් "නිර්මණ එවන්න" යන සැබැඳිය හරහා අපව අමතන්න.

4. සිතුවිලි කතාබහ
පරීක්ෂණ මට්ටමේ ඇති කතාබහ කල හැකි නව පිටුවක් http://syndi.lankeeya.lk/chat.php හරහා හඳුන්වා දී ඇත. මේ සඳහා ඔබ ලියාපදිංචි විය යුතුය. තවද මෙම කතාබහේ කොටසක් සැම විටම සින්ඩියෙහි වම් පස දක්වා ඇත. එම නිසා ඔබට කීමට ඇති පණිවිඩ හා නිවේදනද මේ හරහා යාවත්කාලීන කල හැක

තව දුරටත් සින්ඩියෙහි මුල්පිටුව අනවශ්‍ය ලෙස වෙහෙසට පත් කරන බ්ලොග් අඩවි තිබේනම් කෙමන්ටුවක් ලෙස පහතින් දක්වන්න. අවශ්‍ය පියවර ගනු ඇත.

නිර්නාමික කමෙන්ට්ද විවෘත බැවින් හා කමෙන්ට් මොඩරේට් යොදා ඇති නිසා ඔබගේ අදහස් නිදහසේ දක්වන්න. ලාංකීය තුල තව වෙනස්කම් අවශ්‍ය නම් හෝ වෙන යෝජනා චෝදනා ඇත්නම් එවාද දක්වන්න

දැනට ලාංකීය තුල ඇති බ්ලොග් අඩවි

2011-12-25T09:05:00.001+05:30

පසුගිය දිනවල ඔබගේ බ්ලොග් අඩවි ලිපි, ලාංකීය සිතුවිලි තුල යාවත්කාලින නොවිමෙන් සිදුවූ අපහසුතාවට අපගේ බලවත් කණගාටුව පළ කරන්නෙමු.

දැනට ඇතුලත් කරගෙන ඇති සියලු බ්ලොග් අඩවි මෙතනින් බලා ගත හැක. ඔබගේ බ්ලොග් අඩවිය එතන නොමැති නම් අපට පහතින් කමෙන්ට් මාර්ගයෙන් දන්වන්න. එලෙසම ඔබගේ බ්ලොග් අඩවියි ලාංකීය තුල තිබි, ඔබ ලියන ලද ලිපියක් පැයක් අතුලත ලාංකීය තුල දර්ශනය නොවේ නම් ඒ ගැනද අපව දැනුවත් කරන්න.

පසුගිය දිනවල අපගේ විද්‍යුත් ලිපිනයට එවන ලද බොහෝ ලිපි වලට ප්‍රතිචාර දක්වන ලදි. යම් හෙයකින් එසේ ප්‍රතිචාර නොලැබුනේ නම් නැවත ලිපියක් එවන මෙන් කාරුණිකව දන්වා සිටිමු

ලාංකීය සිතුවිලි සමඟ දිගටම රැඳි සිටින්න

බිඳ වැටීම සහ අලුත් බ්ලොග්

2011-12-17T19:00:00.001+05:30

නිවේදන

1. තාවකාලිකව නවතා තිබූ නව බ්ලොග් අඩවි ඇතුලත් කිරිම දැන් නැවතත් ආරම්භ කර ඇත.
2. අනවශ්‍ය කාරදර කාරි බොහොමයක් බ්ලොග් අඩවි ඉවත් කර ඇත
3. ගැටලුවක් ඇත්නම් lankeeyasithuwiliඇට්gmail.com විද්‍යුල් ලිපියක් එවන්න
4. අනුමත විමට ඇති බ්ලොග් අඩවි නුදුරු දිනකදි සලකා බැලේ
5. ගුගල් හොස්ටින් විසින් නව මිල දර්ශයක් හඳුන්වා දී ඇති බැවින් ලාංකීය සිතුවිලි බොහෝ විට ලිපි යාවත් කාලිනය කරනුයේ දිවා කාලයේදි පමණක් වනු ඇත
6. පටස් යොදාගෙන් ඔනෑම සක්‍රීය අඩවියක ලිපි එක් කල හැක

නිවැරදි හොස්ටින් ක්‍රමක් මිලදි ගත් වහාම ලිපි යාවත් කාලිනය පැයකට වරක් සිදු කරනු ඇත. ඔබට සිදුවන අපහසු තාවයට අපගේ බලවත් කණගාටුව. මෙතෙක් කල් ලාංකීය සිතුවිලි හා රැඳිසිටියා මෙන් ඉදිරියටත් අප සමඟ රැඳි සිටින්න.

බ්ලොග් ඉවත් කරයි - අවධානයෙන් සිටින්න

2011-10-01T07:58:00.000+05:30

ලාංකීය තුල තිබෙන සියලුම [ 2000 කට අධික ] බ්ලොග් නැවත පරික්ෂාවකින් පසු

1. දැනට වැඩ නොකරන [url එක වැඩ කරන්නේ නැති]
2. හුදෙක් සල්ලි සෙවිමට පමණක් යොදාගන්නා අඩවි

http://syndi.lankeeya.lk/adminlog

සියල්ල ඉවත් කෙරේ

මේ ගැන ඔබේ අවධානය යොමු කරන්න. ඉහත සඳහන් කල ආකාරයේ බ්ලොග් අඩවියක් ඔබටත් ඇත්නම් සැලකිලිමත්වන්න

ලංකීයේ ඉන්න කට්ටියට අමතරව ලාංකීය ගැන උනන්දු වෙන ... ඒක හොදට තියනවා දකින්න කැමති ස්වකැමැත්තෙන්ම මේ වැඩේට උදව් කරන පිරිසක් සමග මේ වැඩසටහන සිදුවෙයි.

තවත් යෝජනා චෝදනා තිබේ නම් ඉදිරිපත් කරන්න

කවි මඩුව අක්‍රියව පවතී. / http://lkservers.com/ ගන්න එපා

2011-07-29T20:40:00.001+05:30

lk සර්වර්හි එකවර රික්වෙස්ට් 100ක් දරාගත නොහැකි නිසා කවි මඩුව අක්‍රියව පවතී.සිදුවූ අපහසුතාවයට අපගේ බලවත් කනගාටුව.කවි මඩුවට සහභාගී වූ ඔබ සැමට ස්තුතියි! නැවතත් මෙවැනි බාධක නොමැති කවි මඩුවකින් හමුවෙමු.

එකවර රික්වෙස්ට් 100ක් දරාගත නොහැකි http://lkservers.com/වලින් ඔබ හොස්ටින් මිලදී නොගන්න‍.

පහන් සිලක් දැල්වීමේ ආරාධනය 2011 කවි මඩුව

2011-07-29T08:50:00.001+05:30

හිරු දෙවියනි හිරු මඩලට වඩින්නේ
සරස්වතී කුමරිය මෙහි වඩින්නේ
වැරදි නැතිය හරි දෙයකුයි කරන්නේ
සැම දෙස බලා සැමට සෙත සදන්නේ

සොදුරු දෙයකි අරඹන්නට හදන්නේ
සැමට සෙතක් ඇති බවකුයි සිතන්නේ
අද දින අපි කවි මඩුවක් කරන්නේ
කවි කම් මතින් හොද මිනිසුන් හදන්නේ

රතු පාවඩ නැත කවි පලසකි එලන්නේ
කවි කම් මතින් අපෙ මඩුවට වඩින්නේ
කවි කියන්න සැමටම සුබ පතන්නේ
පිළිගන්නේ ඔබ සැම හදපිරි තුටු සිතින්නේ

පහන් සිලක් දැල්වීමේ ආරාධනය

සමාව අවසර මිතුරනි පිළිගන්න
සම්ප්‍රධාය ඉදිරියටත් අප රැකගන්න
සැම දෙනාම එකාවන්ව ගොඩවන්න
ඇරයුම සැමටම තිරයක් පහනේ දල්වන්න

පහනේ තෙල් සුවදින් සිත් සැනසේවා
පහනේ ආලෝකය දසතම පැතිරේවා
පහනේ උණුසුම සැමටව සුවදේවා
පහනේ දැල්ල නිම වන තුරු නොනිවේවා

http://kavimaduwa.lankeeya.lk

මුල්ම මාතෘකවලෙස "මත්පැන් හොඳද , නරකද?" ඔබගේ කැමැත්ත පරිදි තෝරාගන්නා ලදී

කවි මඩුව හෙටයි

2011-07-28T11:23:00.000+05:30

ආරාධනාවයි!
ලාංකීය සිතුවිලි මෙහෙයවන දෙවන
අන්තර්ජාල කවි මඩුව හෙට උදෑසන 8.30 ට
චිරාගත සම්ප්‍රදායට මුල් තැන දෙමින්
පොල්තෙල් පහන දැල්වීමෙන්
අරම්භකෙරේ.

එයට සහභාගී වීම සඳහා ඔබට කෙරෙන
සුහද ආරාධනයයි මේ!!

විවිධ කටයුතු හේතුවෙන් විඩාවට පත් මනසට අපුර්වත්වයක් එක් කිරීමට මෙවරත් ඔබට හැකිවේයැයි අප සිතමු.

කවි මඩුව පැවැත්වෙන ස්ථානය : http://kavimaduwa.lankeeya.lk/

සැ‍රසෙන්න.. ඒ ඔබ වෙනුවෙන්මයි...

2011-07-24T10:16:00.000+05:30

එක්තරා පාළු ගම්මානයක් තුලින් හමා යන මඳ නළක සිසිලසක් නොමැති උවත් පාව යන්නට අවැසි නිසාවෙන් ඔහේ පාව යමින් පැවතිණ..

පලු වීර ගස් තරමින් ඒකාකාරී නොවුවද අරමුණක් නොමැති අවසානයක් කරා ඇදී යමින් තිබුන සුළඟට මෙලෙස පනිවිඩයක් අසන්නට ලැබිණ..

සත්සමුදුර සිසාර කවි රැවුදෙන්නයි

මහමෙර උසට ඇති සිතුවිලි ලියවෙන්නයි

කවි මඩුවකදි හමු වී ගුටි ඇනගන්නයි

ලඟ එන ඒ දිනයේ ඇරයුම තුටු වෙන්නයි

හමා ගියද සුන්දර ලාලිත්‍ය කැටිඋන හඩකින් හමා ආ මධුර ස්වරය පසුකර යන්නට සුළග අපොහොසත් විය.. කවිකාර මනස කැළඹෙන්නට විය...

ඈත වෙල් එළිය සිප ආ සුළඟ මමයි

ගම් බිම් නගර හරහා ගමන මගෙයි

ඔබ හඩ ඇසී මම නැවතුනි සත්තයි

සුන්දර ගැමි ලියේ ඇරයුම මට ඇහුනයි

කටු මැටි වරිච්චියෙන් සෑදූ පිළ මත දිග හැරුණු වී පැදුර අතර අතරමං වුන ඇයට මේ මධුර ස්වරය නැගෙන්නේ කොයි ඉසව්වෙන් දැන් අදහා ගත නොහැකි විය..නමුත් එය සුළගේ හඩ බව ඇය සක් සුදක් සේ දන්නා කරුණකි..

නිල්වන් සේද ගොයමින් පිරි කුඹුරු මතින්

ඇවිදන් යන්න හැකි නම් මට නුඹ සමගින්

කැන්දන් යන්න සු‍ළගේ මා ලොවට හොරෙන්

දිනයක් කියන් හැකිනම් එන්නෙම්ය සැනින්

කැන්දන් යන්න ආසා වුවද ගෙන යා නොහැකි බව ඔහු සිත දනී...

ආසයි නගේ ගෙන යන්නට මා සමගින්

බැඳි වැව් මතින් ගෙනයමි නුඹ අහස උඩින්

සිත් මල ‍මෙලෙස වැලපෙද්දී නොහැකි දුකින්

කියපං නගේ කල හැකි යමක් මා සමගින්...

ඇය සිතද ශෝකයෙන් පිරී තිබුනද ඇයටද ආසාව මැඩලීම ‍විනා කල හැකි අන් දෙයක් නොතිබින... ඇය සුළග වෙත ඇය නමින් මෙසේ පණිවිඩයක් ලියා යවන ලදී...

සුන්දර බක් මහ ගෙවී වෙසගත් ලැබුවා

‍සුන්දර වෙසගෙ අප බුදු තෙමගුල තිබුනා

වෙසඟත් ගෙවී දින සති තව ගතවෙන්නා

ඇසල මහක කවි මඩුවක් පැවතෙන්නා

අවසන් දින වලයි කවි පද අමුනන්නේ

සරසවි දෙව් වරම් ගෙන කවියන් පැමිනෙන්නේ

සුළගේ නුඹ ගොසින් මේ ගැන විගසින්නේ

නගරේ කවියෝ හැමගේ කණ තබපන්නේ...

සත්තර තනු නැතත් පද ටික ගලපාලා

කියුමට හැකිය හැමටම කවි රසකරලා

ලග එන දිනෙදි මේ අයුරින් එක් වීලා

තුටු වී ඉන්න මං ඇත දැන් මඟ බලලා

මෙය අසා සිටි සුළගට අරමුණක් දෑස ඉදිරියේ මැවෙන්නට විය.. ගම් නියන් ගම් පීරා නගර කෙත්වතු මැදින් හමා යන සුළග මත දැන් පණිවීඩයකි.. මලානිකව හමා ආ සුළඟ දැන් ප්‍රමෝදයෙනි. ඉතින් සබඳ යොමන්න ඔය දෙසවන හමා එන සුළඟ වෙත..

අසන්න පිරිපුන් සවනින් සුළග ගෙන එන පණිවිඩය..

සැ‍රසෙන්න.. ඒ ඔබ වෙනුවෙන්මයි...

කවි මඩුවේ සංවාද මාතෘකා

2011-07-10T12:08:00.001+05:30

මේ වන විට කවි මඩුවේ‍ කවි ලිවිම සඳහා 75 පමණ ආසන්න පිරිසක් එකතුවි ඇත. එලෙසම ඉල්ලුම් කල සැමට කවි ලොගින් යවා ඇත. යම් අයෙකුට නොලැබු‍නේ නම් lankeeyasithuwili ඇට් gmail.com හරහා අපව අමතන්න. ඔබ එවන ලද සංවාද මාතෘකා සියල්ල පහතින් ලැයිස්තුගත කර ඇත. කවි ලිවිමට මඩුවේ තත්වය දැන ගැනිමට http://kavimaduwa.lankeeya.lk/ ගොඩ වන්න

1. මඩ,ආදරය,සමජ සිදුවීම්..
2. ප්‍රේම විවාහ vs යෝජිත විවාහ
3. ගුණ ධර්ම
4. මත්පැන් හොඳද , නරකද?
5. ලෝකෙ වැඩියෙන්ම ආදරණීය කෙල්ලොද/කොල්ලොද?
6. ආදරේදී වැඩියෙන්ම දුක් විදින්නෙ ආදරවන්තයෝද/දෙමාපියන්ද?"
7. කසාද ජීවිතේ රසද?
8. කොට සායද? සාරි කොටේද?
9. සුදු හමද? කලු හමද?
10. මිනිස්සු වැඩිය කැමති ආදරයද? රාගයද?
11. කැළණිය මහරජතුමා
12. කම්කරුවා හා ලිපිකරුවා
13. හදවතින් කතා කිරීම හා මනසින් කතා කිරීම
14. අම්මා යුද්දය විරහව පොඩි හාමුදුරුවෝ
15. ආදරය. අම්මා. සාමය.
16. ආදරය, පාසල
17. වීදියෙ දරුවා. විරහව. තනිකම. අම්මා. යුද්දයට පසු
18. දේශපාලනය/ක්‍රීඩාව/ස්ත්‍රීය/ගීත කලාව/රෑපවාහිනය හා ගුවන් විදුලිය
19. අන්තර්ජාලය/අවුරැදු සිරිත/සදාචාරය
20. අමතකවීම /ජීවිතය දිනන්න ආදරය ඕනෙද?
21. වඩා හොද රූපවාහිනියද? ගුවන් විදුලියද?
22. ගැහැනියට සම තැන දිය යුතුද, නැද්ද
25. 64 මයම්, අහින්සක කොල්ලො,
26. ආදර සම්බන්ධයකින් ඇති වෙන විවාහයද කල් පවතින්නේ එහෙම නැත්තම් විවාහ යෝජනාවකින්
ඇතිවෙන එකද?
27. සහකරුවෙක් සහකාරියක් තෝරාගැනීමේදී වඩා ඔබින "හොඳ හැදියාවක් නැතත් බොහෝ මුදල් ඇති
අයෙක්ද? නැත්තම් බොහෝ හොඳ හැදියාවක් ඇති අන්ත දුප්පත් කෙනෙක්ද?"
28. කොල්ලන්ද කෙල්ලන්ද වැඩියෙන් බූට් තියන්නේ?
29. ඔබට අවශ්‍ය ලොකු සල්ලි කාරයෙක් වීමටද? සල්ලි නැතත් රටට වැඩදායී පුද්ගලයෙක් වීමටද?
30. ලව් මැරෙජ් ද ප්‍රොපොසල් මැරෙජ්ද වඩ හොද..
31. වල් කම.. /කොලු ගති../කැමරාව..
32. ආදරය/මිතුරුකම/අන්තර්ජාලය/බස්
33. රහසින් බැදි පෙම/තහනම් ගහේ ගෙඩි කෑම
34. අන්තර්ජාලය
35. සල්ලිද මනුස්සකමද/ධනාත්ම චින්තනය
36. මිටරෙ වැඩි කොල්ලන්ගෙද කෙල්ලන්ගෙද/පොඩි දෙයකදි වැඩිපුර කැගන්නෙ කොල්ලොද කෙල්ලොද
37. වඩා අහිංසක කොල්ලො ද?කෙල්ලො ද?
38. කම්කරුවා ලිපිකරුවා
39. වැඩියෙන්ම ආකර්ෂණ උස කෙල්ලොද ? මිටි කෙල්ලොද ?
40. අන්තර්ජාල ප්‍රේමය හා විවාහය
41. සිංගල්ද? රිලේශන්ෂිප් ද හොඳ?
42. විස්කිද ගල්ද
43. ආදරය, විරහව, අම්ම, ළමා විය
44. කෙල්ලො
45. 2600 vs 2555 /වෙසක් කූඩු කඩෙන් මිලදී ගැනීම/සරි ලංකා ප්‍රිමියර් ලීග්
46. කේන්දර විශ්වාස කල යුතුද? නැද්ද?
47. තාක්ෂණය හොදද නරකද
48. සමාජය, මිනිස්සු, කාන්තාව
49. ගැහැණු ළමයින්ට කලිසම ගැලපෙනවද?
50. ඉන්ටනෙට් හොදද නැද්ද /කෙල්ලො මෙච්චර ස්ටයිල් කරන්නේ ඇයි?
51. විරහව /ප්‍රේමය/සතුට/දුක/
52. මත්පැන් අවශ්‍යද නැද්ද ?,/දේශීයක්වය අගය කල යුතුද නැද්ද ?
53. ආදරය සහ වෛරය, /සුදන්ගෙ නුතන යටත්විජිතවාදය, /අපට අමතක වන ආදරණීය අම්මා, /
කෙල්ලෙකුට ආදරය කිරීම වරදක්ද
54. සිංහල අලුත් අවුරුද්ද ජනවාරි පලවෙනිද
55. මිතුරිය /තනිකම (තනිකඩ ජීවිතය)/කැම්පස් නොයන අපි ඔටුවොද?/යාලුවට ආදරේ කරන එක
අවුලද?/පාඩන් කරන්නද? මලක් කඩන්නද?/උයන්න බැරි කෙල්ලෙක් බදිනවද? නැද්ද?
56. බ්ලොග් ලිවිල්ලේ හොඳ සහ නරක
57. කෙල්ලන්ගේ බ්ලොග් හොඳද,මෙලෝ රහක් නැද්ද
58. ආදරය සහ රාගය, බුදු දහම සහ මිණිසා, බටහිර කරණය සහ නුතන සමාජය, කෙල්ලොද චපල
කොල්ලොද චපල, අනියම් සම්බන්දය, ආදරයයි යොවුන් වියයි, අපට අමතක වන දෙමාපියෝ,
හාමුදුරුවොයි ගැහැණියොයි, ආදරයේ තහනම් ගහ, අපේ සිරිලක පරිසරය, නූතනයයි මිනිස් සිතයි,
අනුකරණය, විලිසිතා සහ කෙල්ලෝ, පලමු පෙම, පාසල් ප්‍රේමය,
59. කැමරාව /විරහව /ගැහැනු හොදද පිරිමි හොදද

ඉහතින් දක්වා ඇති මාතෘක වලින් ඔබ වඩාත් කැමති මාතෘකාව කවි මඩුවේ සංවාදයට එක් කිරිමට බලාපොරොත්තු වෙමු. එහෙයින් ඔබ වඩාත් කැමති මාතෘකව දැන්ම පහතින් සටහන් කරන්න.

http://denuma-bedagamu.blogspot.com/ හි හිමිකරුට මෙයිල් යැවියනොහැක

කවිමඩුව නවතම මුහුණුවරකින්

2011-07-07T10:40:00.001+05:30

අයියා අක්කා නංගි මල්ලි කවි කිවා
මතකද එදා අපි කවි මඩුවක් තිබ්බා

නැවතත් ඔන්න අපි සබයට පැමිණෙන්නා

කියමුද ගොතා රස කවි මඩුවට වීලා

තාවකාලිකව අත්හිටවූ ලාංකීය කවි මඩුව නවතම මුහුණුවරකින් මෙම මස 29,30,31 යන තෙදින තුල පැවැත්වීමට කටයුතු යොදා ඇති බව සතුටින් දැනුම්දෙමු.මේ වනවිට ඉල්ලුම්කර ඇති සැමටම ලොගින් පිලිබඳ විස්තර යවා අවසන් බැවින්, ලොගින් නොලැබුන අයෙකු වෙතොත් කරුණාකර lankeeyasithuwili@gmail.com වෙත මෙල්ලුවක් යොමු කරන්න.

තවමත් ලියාපදිංචි නොවූ ඔබට,

1. ඔබ කවිමඩුවට සහභාගිවීමට කැමැත්තක් දක්වන්නේ නම්. මෙම බැදියට ගොඩවී ලියාපදිංචිවන්න.මෙපරිදි ලියාපදිංචිය අනිවාර්යය කර ඇත්තේ ඔබේ අනන්‍යතාවය‍ වෙනත් පුද්ගලයින් විසින් ලබාගැනීම වැලැක්වීම සදහාය. තවද ඔබ ලාංකීය සිතුවිලි තුලට ඇතුලත් කර ඇති බ්ලොග් එකක අයිති කරුවෙකුගේ නමකින් ලියාපදිංචි වන්නේ නම් ඉහත බැදියේ, එම බ්ලොගය ඇතුලත් කල මේල් ලිපිනයම සදහන් කරන්න. ලියාපදිංචි වන සැමට තහවුරුකරගැනීමේ පනිවිඩයක් එවනවා ඇත.

2. ලියාපදිංචියේදී වඩා අකාර්ෂණය දිනා ගත හැකි මාතෘකාවක් හෝ දෙකක් දැම්මට අමතක නොකරන්න.

3.පුරා දින 3 ක් විවධ මාතෘකා ඔස්සේ පැවැත්වෙන මෙහි කවි ලිවිම ඔබට පහසු වෙලාවක සිදු කල හැක.

මේ පිළිබඳව ඔබේ අදහස් ලොගින් වී අප වෙත දන්වන්න.

ලාංකීය තුල සමහර බ්ලොග් අක්‍රීයයි

2011-06-22T22:17:00.000+05:30

ලාංකීය සිතුවිලි බ්ලොග් කියවනය ගූගල් හොස්ටිං වලට රැගෙන ගිය නිසා, ලාංකීය තුල සමහර බ්ලොග් අක්‍රීයයි.කරුණාකර ඔබේ අඩවිය පටස් කර බලා, මේ මැසේජය දිස් වේ නම්,

"ඔබගේ බ්ලොග් අඩවිය දැනට සක්‍රීය කර නැත"

ඔබේ පටස් ID එකත් සමඟ අපට ඊ මේල් පණිවිඩයක් මගින් දැනුම් දෙන්න.
lankeeyasithuwiliඇට්gmail.com

ඔබට සිදුවු අපහසුතාවයට අපගේ බලවත් කනගාටුව!

සහෘදයකුගේ නික්ම යාම

2011-05-19T14:54:00.001+05:30

බ්ලොග් අවකාශයේ අප කවුරුත් දන්නා හඳුනන ඉලන්දාරියා නොහොත් දිලුම් දිසානායක සොයුරා අපෙන් සමුගත් බව මේ වනවිට සැවොම දන්නා දෙයක්.උපන්නොත් කෙනෙක් යම්දිනක මරණයට පත්වන බව කලකට පෙර ඔහු තැබු සටහනකි මේ..

හිරු නැග එනකම්
සොදුරු බව ‍රැකපන්....
මරනයේ නියත බව ....
නුබ ලොවට කියපන්....

ඇතිවුනොත් යම්දෙයක්....
සදා කල් ලොවෙනැත
කිසි දෙයක්....
අනියත බවින් මගහල දෙයක්....

ඉපදුනොත් යම් කෙනෙක්....
නියත වේ මරණයත්....
උපන් මොහොතෙම දින නියමවේ
මරණයේ දිනයමත්....

ඔබ අපෙන් සමුගත්තද, ඔබෙ මතකය අප හදවත් තුල සදා අමරණීය වනු ඇත...
දිලුම් සොයුර ඔබට නිවන් සුව පතමු.. මතු උපදින භවයක නිදුක් නිරෝගී සම්පත්තිය අත් වේවා!!!

දිලුම්ගේ නිවසට යන පාර,

වාහනයක යන අයට, නුවර සිට මාතලේ යනවිට අලවතුගොඩගොඩ පසුවී බලකඩුව පල්ලම පසු කරන විට වම් පැත්තට කූඹියන්ගොඩ පාර ඔබට හමු වෙනු ඇත.. එතනින් කූඹියන්ගොඩ නගරයෙන් කොටුවේගෙදර පාරට හරවා නිවාස සංකීර්ණයේ ජයන්ති කඩේ අසලට ගියවිට දිළුම්ගේ නිවස දිස්වෙනු ඇත.

පොදු ප්‍රවාහන සේවා භාවිතා කරන අයට, මාතලෙ තැපැල් කාර්යාලය අසලින් උඩුපිහිල්ල හෝ ඊරියගහමඩ බස් රථයක නැගී කූඹියන්ගොඩ තැපැල් කන්තෝරුව අසලින් බැස ගත යුතුය. ඉන්පසු කොටුවෙගෙදර පාරේ නිවාස සංකීර්නය අසලට ගිය පසු දිළුම් ගේ නිවස දිස් වේ...

සෙනසුරාදා (මැයි 21) උදෑසන 06.30ට කොටුව දුම්රියපොල අසලින් බස් රථයක් දිළුම්ගේ නිවස බලා යෑමට කටයුතු සලසා ඇත. වැඩි දුර විස්තර සඳහා අභිත සොයුරා අමතන්න.

හදිසියේ අප අතරින් සමුගත් දිලුම් සොහොයුරා වෙනුවෙන් ලාංකීය සිතුවිලි කණ්ඩායමේ සාතිශය සංවේගය!!!

කවි මඩුවට දින ලඟයි

2011-05-14T08:19:00.000+05:30

දින එක දෙක ගෙවි ගෙවී යන්නා

කවි මඩුවට දින හිමිහිට ලං වෙන්නා

සියල්ලෝම සැරසෙන බව පෙනුනා

රස කවි ගොතනට ඔබටයි මේ ආරාධනා

ලාංකීය සිතුවිලි ඔබ හා එක්ව පවත්වන්නට සුදානම් වන දෙවන කවි මඩුව ගැන මේ වන විටත් ඔබ සැවොම දන්නවා ඇති. පහත දැක්වෙන්නේ මේ වනවිට ඔබ විසින් යෝජනා කරන්නට යෙදුනු කවි මාතෘකාය.

ආදර සම්බන්ධයකින් ඇති වෙන විවාහයද කල් පවතින්නේ එහෙම නැත්තම් විවාහ යෝජනාවකින් ඇතිවෙන එකද?
සහකරුවෙක් සහකාරියක් තෝරාගැනීමේදී වඩා ඔබින "හොඳ හැදියාවක් නැතත් බොහෝ මුදල් ඇති අයෙක්ද? නැත්තම් බොහෝ හොඳ හැදියාවක් ඇති අන්ත දුප්පත් කෙනෙක්ද?" කොල්ලන්ද කෙල්ලන්ද වැඩියෙන් බූට් තියන්නේ? ඔබට අවශ්‍ය ලොකු සල්ලි කාරයෙක් වීමටද? සල්ලි නැතත් රටට වැඩදායී පුද්ගලයෙක් වීමටද?
වඩා හොද රූපවාහිනියද? ගුවන් විදුලියද?
ගැහැනියට සම තැන දිය යුතුද, නැද්ද?
කසාද ජීවිතේ රසද?
කොට සායද? සාරි කොටේද?
සුදු හමද? කලු හමද?
මිනිස්සු වැඩිය කැමති ආදරයද? රාගයද?
ලෝකෙ වැඩියෙන්ම ආදරණීය කෙල්ලොද/කොල්ලොද?
ආදරේදී වැඩියෙන්ම දුක් විදින්නෙ ආදරවන්තයෝද/දෙමාපියන්ද?
කම්කරුවා හා ලිපිකරුවා
හදවතින් කතා කිරීම හා මනසින් කතා කිරීම
ප්‍රේම විවාහ vs යෝජිත විවාහ
අසේල යනු මඩයාද? මඩයා යනු අසේලද?
මත්පැන් හොඳද , නරකද?
අසිරිමත් ක්ෂීරබත් පුර වැනුම
කවියෙන් වනමු බාබා
එන්න අපි මල් නෙලමු
නින්දට පෙර දත් මදින්න
දේශපාලනය
ක්‍රීඩාව
ස්ත්‍රීය
ගීත කලාව
අන්තර්ජාලය
අවුරැදු සිරිත
සදාචාරය
පාසල
වීදියෙ දරුවා.
විරහව.
තනිකම.
අම්මා.
යුද්දයට පසු
ගුණ ධර්ම
සයිබර් අවුරුදු උත්සවය
වල් කම
කොලු ගති
කැමරාව
රහසින් බැදි පෙම
තහනම් ගහේ ගෙඩි කෑම
ආදරය
මිතුරුකම
අන්තර්ජාලය

තවත් රසබර මාතෘකා එක් කර කවි මඩුව සාර්ථක කර ගැනීමට ඔබගේ නොමද සහයෝගය අප වෙත ලැබේයැයි අප අපේක්ෂා කරමු. මේ වනවිටත් කවි මඩුව සදහා ලියාපදිංචි නොවූ ඔබට මෙම සබැදිය ඔස්සේ ගොස් ලියාපදිංචි විය හැක. ලොගින් පිළිබද විස්තර ඔබ වෙත 2011.05.15 දිනට පසුව ලැබෙනු ඇත.කවිමඩුවේ පුහුණු සැසියක් 2011.05.16 දින ලාංකීය සිතුවිලි Buzz එකේදී පැවැත්වෙනු ඇත.

2011.05.18 දින උදේ 8.30 දක්වා ලියාපදිංචි කර ගැනේ.
ඉන් පසු ලියා පදිංචි වන සැමට රහස් පද හා නාමයන් ලබා දේ.

මැයි මස 20,21,22 දින තුන පුරාවටම කවි මඩුව පැවැත්වීමට සියලු කටයුතු සුදානම් කර ඇත..පුරා දින 3 ක් විවධ මාතෘකා ඔස්සේ පැවැත්වෙන මෙහි කවි ලිවිම ඔබට පහසු වෙලාවක සිදු කල හැක.

මෙය ඔබේ බ්ලොග් අඩවියේ ඇතුලත් කර අපට සහයෝගය ලබා දෙන ලෙසද ඉල්ලමු.

‍බැනර් කෝඩ්

කවි මඩුව 2011

2011-05-01T18:06:00.004+05:30

රස කවි ගොතාලා
එකිනෙකාට මඩ ගසාලා
සියල්ලෝම තුටු වීලා
තියමුද කවිමඩුවක් ආයෙත්

අන්තර්ජාලයේ සැරිසරන සියලුම කවිකාර මිතුරු මිතුරියන් එක්කොට ගීත් සහෝදරයාගේ අදහසක් අනුව ලාංකීය ඉතිහාසයේ ප්‍රථම වතාවට පැවත්වූ කවි මඩුව නැවතත් ඔබ හමුවට ගෙන ඒමට කටයුතු සූදානම් කරමින් පවතින බවට සතුටින් දනුම් දෙමු.
සෑම විටම ඔබේ වින්දනය සඳහා කටයුතු කරන ලාංකීය සිතිවිලි අපි මෙවරද මැයි මස කවි මඩුව ඔබ වෙත තිළිණ කරන්නෙමු.
මේ සඳහා මුල් අදහස ලබා දුන් ගීත් සහෝදරයාට අපගේ ස්තුතිය පිරිනමන අතර, නැවතත් කවි මඩුවක් පවැත්වීමට ආරධනා කල ඔබ සැමට තුති..!

ඉතින් කවිකාර මිතුරු මිතුරියනි, එක් වන්න අප සමඟ...

ඔබ කුමක් කල යුතුද?

1. ඔබ කවිමඩුවට සහභාගිවීමට කැමැත්තක් දක්වන්නේ නම්. මෙම බැදියට ගොඩවී ලියාපදිංචිවන්න.මෙපරිදි ලියාපදිංචිය අනිවාර්යය කර ඇත්තේ ඔබේ අනන්‍යතාවය‍ වෙනත් පුද්ගලයින් විසින් ලබාගැනීම වැලැක් වීම සදහාය. තවද ඔබ ලාංකීය සිතුවිලි තුලට ඇතුලත් කර ඇති බ්ලොග් එකක අයිති කරුවෙකුගේ නමකින් ලියාපදිංචි වන්නේ නම් ඉහත බැදියේ, එම බ්ලොගය ඇතුලත් කල මේල් ලිපිනයම සදහන් කරන්න. ලියාපදිංචි වන සැමට තහවුරුකරගැනීමේ පනිවිඩයක් එවනවා ඇත.

2. ලියා පදිංච්යේදී වඩා අකාර්ෂණය දිනා ගත හැකි මාතෘකාවක් හෝ දෙකක් දැම්මට අමතක නොකරන්න.

3. කවි මඩුවේ වෙදිකාව පුරුදු වීම සඳහා එය පැවැත්වීමට දින කිහිපයකට පෙර ඔබට වේදිකා ගත වී එහි පුර්ව පුහුණුවීම් කිරිමට ඉඩ දෙනු ‍ලැබේ.

4.ඔනැම අයකුට වතුර ගැසීම මඩ ගැසීම හෝ දිරිමත් කීරිමට වෙනම ප්‍රේක්ෂාකාගාරයක් ඉදිකර ඇත. මේ සඳහා ලියාපදිංච්යක් අනවශයයි.

සිදුවන ආකාරය

2011.05.18 දින උදේ 8.30 දක්වා ලියාපදිංචි කර ගැනේ
ඉන් පසු ලියා පදිංචි වන සැමට රහස් පද හා නාමයන් ලබා දේ.

මැයි මස 20,21,22 දින තුන පුරාවටම කවි මඩුව පැවැත්වීමට සියලු කටයුතු සුදානම් කර ඇත..පුරා දින 3 ක් විවධ මාතෘකා ඔස්සේ පැවැත්වෙන මෙහි කවි ලිවිම ඔබට පහසු වෙලාවක සිදු කල හැක.

මෙය ඔබේ බ්ලොග් අඩවියේ ඇතුලත් කර අපට සහයෝගය ලබා දෙන ලෙසද ඉල්ලමු.

‍බැනර් කෝඩ්

අළුත් මුහුණු සමග හැඩවැඩ වෙන 'ලාංකීය සිතුවිලි'

2011-04-23T05:01:00.000+05:30

ලාංකීය සිතුවිලි වෙබ් අඩවිය සහ සින්ඩිකේටරය ආරම්භ කර වසරක් ඉක්ම ගිය තැන, ලාංකීය සිතුවිලි කණ්ඩායම සමග නවක මුහුණු කිහිපයක් අත්වැල් බැඳගෙන ති‍බෙනවා. කණ්ඩායමට නවකයින් වුවත්, මොවුන් ලාංකීය බ්ලොග් අවකාශයට නම් නුහුරු නුපුරුදු අය නොවෙයි.
හඳුනාගන්න අපේ අළුත් සාමාජිකයින්,‍

    1. යොහාන් කණිෂ්ක
    2. හෂි හෙට්ටිගේ
    3. සසින්ද්‍ර විරසිංහ

මින් ඉදිරියේදී පාඨක- ලේඛක ඔබත්, ලාංකීය සිතුවිලි කණ්ඩායමේ අපත් අතරේ සහෝදරත්වයේ පාලම ඉදිවනු ඇත්තේ ඔවුන් අතින්. නොඑසේනම්, ඔබත් අපත් අතරේ සියළුම සම්බන්ධිකරණ කටුයුතු සිදුවනු ඇත්තේ ඔවුන් හරහායි. එහෙමනම්, මෙතුවක් කලක් ඔබෙන් ලැබුණු ආදරණිය දිරිගැන්වීම, සහයෝගය තවදුරටත් ඒ ආකාරයෙන්ම අපේ අළුත් සාමාජිකයින් වෙත ලැබෙනු ඇති බව අපගේ විශ්වාසය යි.

පින්තූර ගන්න අයට තල්ලුවක්

2011-03-01T20:25:00.002+05:30

මාස කිහිපයකට උඩදි ලාංකීය සිතුවිලි වලට සර්වර් ප්‍රශ්නයක් ඇවිත් තාවකාලක කඩා වැටීමකට ලක්උනා. මුලින්ම ස්තුතිවන්ත වෙනවා ඒගැන හොයලා බලපු සියලු දෙනාට හා අපට ශක්තියක් උනු සියලු බ්ලොග් කරුවන්ට. ඒ කඩා වැටිමත් එක්ක සමහර බ්ලොග් අඩවි සින්ඩිකේට් වෙන්නේ නැති ප්‍රශ්න වලට මුහුණ දුන්නා. බොහොමයක් අඩවි යතා තත්වයට දැන්ටමත් පත් කරලා අවසානයි. එලෙස යම් කිසි දෝෂ ඇතිනම් අපව අමතන මෙන් ඉතා කාරුණිකව ඉල්ලා සිටිනවා.

ඒ එක්කම නව අංගයක් ලෙස ඔබට ඔබගේ ඡායාරූප ලාංකීය සිතුවිලි හරහා පාඨකයන් අතරට රැගෙන යන්න පුලුවන්. ඒ සඳහා http://syndi.lankeeya.lk/pinthura.php යොදාගත හැක. මෙහිදි ඔබ ඇතුලත් කරන ඡායරූප ලාංකීය සිතුවිලි කණ්ඩායමේ අධික්ෂණයකින් අනතුරුව, සින්ඩියේ වම් පැත්තේ දර්ශණය වීමට සලස්වනු ලැබේ.

ලාංකීය සිතුවිලි සේවා ජාත්‍යන්තරයට

2010-11-27T10:30:00.000+05:30

ලාංකීය අපේ සිතුවිලි ජත්‍යන්තරයට, අපේ බසින් රැගෙන යන්නා සේම, ඉංග්‍රීසි බසින් ලියැවෙන වටිනා බ්ලොග් අඩවි ලාංකීය අප හා මෙන්ම ජාත්‍යන්තරය සමගද, බෙදා ගැනිමේ අරමුණින් ආරම්භ කෙරුණු http://esyndi.lankeeya.lk/ සඳහා, දැන් ඔබටත් ඉංග්‍රීසී බසින් ලියැවෙන විදෙස් බ්ලොග් අඩවි යෝජනා කල හැක. ඒ සඳහා http://esyndi.lankeeya.lk/blogform.php පිවිසෙන්න.

ප්‍රහේළිකාව - නිවැරදිම සහෘදයා - නදීShani

2010-11-06T06:35:00.000+05:30

2010 සාහිත්‍ය මාසය වෙනුවෙන්, ලාංකීය සිතුවිලි බ්ලොග් කියවනය මගින් පවත්වන්නට යෙදුනු ප්‍රහේළිකා තරඟයේ අවසාන "නිවැරදිම සහෘදයා" තෝරා ගැනීමට පසුගිය දිනක සිදු කරන ලදී. දැනටමත් ඔබ දන්නා පරිද්දෙන් ප්‍රහේළීකා අංක 3, 4, 5 නිවැරදිව පිරවූ ඔබ සැම තරඟය සඳහා සුදුසුකම් ලබා තිබුණී.

අවසාන "නිවැරදිම සහෘදයා" තෝරා පත් කර ගැනීම බලාපොරොත්තු වූවාට වඩා තියුණු මුහුණුවරක් ගෙන තිබුණී. මන්ද යත්, තරඟ කරුවන් අතුරින් කිහිපදෙනෙකුම නිවැරදිව ප්‍රහේළිකා තුනම පුරවා ඇති බැවිනි, නමුත් අක්ෂර වින්‍යාසය මගින් වඩාත්ම "නිවැරදිම සහෘදයා" තෝරා ගැනීම සිදු කෙරින.

ඒ අනුව වඩාත්ම නිවැරදිම සහෘදයා බවට පත්වුයේ නදීShani සොයුරියයි. ඇයි සිංහල බ්ලොග් අඩවියක් නොලියන තැනැත්තියක් වීම මෙහි ඇති සුවිශේෂිත්වයයි.

එසේ තෝරා පත් කර ගන්නා "නිවැරදිම සහෘදයා" වෙත ලාංකීය සිතුවිලි බ්ලොග් කියවනය වෙතින් අගනා තිළිණයක් ලබා දීමට කටයුතු සූදානම් කර ඇති බව දන්‍වන්නේ හදපිරි සතුටිනි.

නිවැරදිම සහෘදයා බවට පත්වු ඔබට ලාංකීය සිතුවිලි අපෙන් සුබ පැතුම් මෙසේ සටහන් කරමු

එන්න ප්‍රසිද්ධීයට අවසන් වටය

2010-10-14T12:05:00.000+05:30

පැවති වටයන් 3 තුලදීම, වැඩිම මනාප ලැබූ අඩවි පහ අතරට ලාංකීය සිතුවිලි රැගෙන ආ ඔබට ස්තුතියි.

අවසන් වටය දැන් පැවැත්වේ. එන්න ප්‍රසිද්ධියට, ලාංකීය සිතුවිලි වර්ණ ගන්වන්න

ජන්දය දීමට මෙතනට ගොඩ වන්න

එන්න ප්‍රසිද්ධියට

2010-09-11T19:04:00.000+05:30

සයමසක් ඉක්මගොස් ඇති ලාංකීය සිතුවිලි, bestweb.lk මගින් සංවිධානය කරනු ලබන තරඟය සඳහා සුදුසුකම් ලබා ඇත. එහි සිංහල අංශයෙන් තරඟ වදින අප මෙම තරඟයට ඉල්ලුම් කිරීමට හේතූ වූ ප්‍රධානම හේතුව නම්, බ්ලොග්කරණය ලාංකිකයන් අතර ප්‍රචලිත කිරීමයි.

ලාංකීය බ්ලොග්කරණය, තවමත් ප්‍රබල ජනමාධ්‍යයක් තරමට වැඩි දියුණු වි නොමැත. එහෙයින් මෙම තරඟයට සහභාගිවිමේ මූලික අරමුණ ප්‍රසිද්ධියයි. අපගේ නියෝජනය මගින් මෙම තරඟට සහභාගි වන ලංකාවේ නම් දරා ඇති ආයතන හා සංවිධාන , සිංහල බ්ලොග්කරණය යනු කුමක් දැයි හෝ දැන ගැනීමට මෙය මහඟු අවස්ථාවක් වනු ඇත.

එන්න ප්‍රසිද්ධියට යන තේමාව, ලාංකීය සිතුවිලි අප මෙම තරඟයට යොදාගෙන ඇත. ජය පැරදුම කෙසේ වෙතත් ලංකාවේ නම් දරා ඇති ආයතන වල ‍අන්තර්ජාල අඩවි සමග කරට කර යමින් ලාංකීය බ්ලොග්කරණයේ අපේ සලකුණ ඉස්මතු කීරිමට දරණ මේ වෑයමට ඔබගේ උපරිම සහාය බලාපොරොත්තු වෙමු. විවිධ බාධක හමුවේ අප අත්නොහැර සිටි ඔබ මෙම අවස්ථාවේදීද මෙම කර්තව්‍යයට හැකි පමණින් දිරියක් වනු ඇතැයි අපි කණ්ඩායමක් ලෙස උදක්ම බලාපොරොත්තු වෙමු.

තරඟය සංවිධානය කර ඇති අයුරු.........

සුදුසු කම් ලැබූ වෙබ් අඩවි තරඟ වට හතරක් යටතේ තරඟ කල යුතුව ඇත. එනම් වැඩිපුරම ඡන්ද ලබා ඇති අඩවි ඊලඟ වටයට සුදුසු කම් ලබයි. මෙහිදී සෑම වටයකදීම ඔබට ඡන්දයක් පාවිච්චි කළ හැක.

ඡන්දය පැවැත්වෙන දිනයන් බලාපොරොත්තු වන්න ............

"සිතුවිලි නිම්නය" - ලාංකීය සිතුවිලි සාහිත්‍ය අතිරේකයේ කල එළි දැක්ම.

2010-08-14T18:30:00.001+05:30

http://magazine.lankeeya.lk

නොයෙකුත් අරමුණු - මාතෘකා යටතේ, හෙළ බසින් ලියැවෙන බ්ලොග් සටහන් අතරේ, තම තමන්ගේ නිර්මාණශීලී හැකියාවන් කල-එළි දක්වනු පිණිස, බ්ලොග්කරණයේ නියැලෙන අතලොස්සක් වූ බ්ලොග්කරුවන් පිරිසක්ද දැකිය හැකියි. ඔවුන්ගේ නිර්මාණ වලට වැඩි පාඨක අවධානයක් ලබාදෙනු වස් ඇරඹි නවමු අංගයයි, ලාංකීය සිතුවිලි සාහිත්‍යය අතිරේකය.

මෙම අතිරේකය, සෑම සතියකම ඉරිදා දින‍යේ පළවන අතර, එක් කලාපයක් පුරා සතියක් මුළුල්ලේ ම ප්‍රදර්ශනය කෙරේ. එය, ඔබ විසින් අප වෙත යොමු කරන නිර්මාණ වලින් සහ අප විසින් තෝරාගන්නා ඔබේ නිර්මාණ වලින් සමන්විත වනු ඇත.

ඔබ විසින් ප්‍රබන්ධ කෙරෙන ගද්‍ය, පද්‍ය නිර්මාණ මෙන්ම පරිවර්තන හා අනුවර්තන ද අතිරේකයේ පල කිරීමට සුදුසුකම් ලබයි. එසේම, නිර්මාණශීලි ලෙස ඉදිරිපත් කර තිබේ නම්, එය ඔබේ පුද්ගලික අත්දැකීමක් වුවද විය හැකියි. වැඩිපුර පාඨක ඇස නොගැටුනු නිර්මාණ කෙරෙහි මෙන්ම, පැරණි නිර්මාණ කෙරෙහිද වැඩි සැලකිල්ලක් දැක්වෙනු ඇති.

අතිරේකයේ පල කිරීමට තෝරාගනු ලබන්නේ, ලාංකීය සිතුවිලි බ්ලොග් කියවනයට ඇතුලත් කර ඇති බ්ලොග් අඩවි වල පලවන නිර්මාණ පමණයි. නිර්මාණ යොමු කිරීම සඳහා "නිර්මාණ යොමුව" සබැඳියා හරහා ලැබෙන පෝරමය හෝ magazine@lankeeya.lk යන විද්‍යුත් ලිපිනය භාවිතා කළ හැකියි. (නිර්මාණ යොමු කිරීම යන්නෙන් අදහස් කරන්නේ ඔබේ ලිපියේ වෙබ් ලිපිනය අපවෙත ලබා දීමයි.)

ඔබ, ඔබේ නිර්මාණය බ්ලොගයේ පළකල කාල වකවානුව පිළිබඳව කිසිදු ගැටළුවක් ඇති නොවේ.එනම්, ඉතා මෑතදී කල නිර්මාණ මෙන්ම බොහෝ කලකට පෙර පලකල නිර්මාණ ද ඉදිරිපත් කල හැකියි.
ඔබ වෙනුවෙන් විවෘත කර ඇති, අපගේ magazine@lankeeya.lk යන විද්යු ත් ලිපිනය ඔස්සේ ඔබ දක්වන අදහස් - උදහස්, යෝජනා - චෝදනා අනුව "සිතුවිලි නිම්නය" ඉදිරියේදී තව තවත් හැඩ වැඩ වෙනු ඇති.
ඉතින්, සිංහල බ්ලොග් අවකාශයේ පීදෙන - රන් සිතුවිලි අස්වැන්න, සීරුවෙන් නෙළා ගන්නටයි මේ සූදානම..!

දින 180 ක ගමන

2010-08-07T09:40:00.002+05:30

ඉතා කෙටි කාලයක් තුල අභියෝග රැසකට මුහුණ දෙමින් දිගු ගමනක් කරා, වෙනස් වූ මගක ගමන් කරන ලාංකීය සිතුවිලි තම අඩ වසරක ඉලක්කය 2010-08-19 වන දිනට ‍සපුරාගන්නා බව ලාංකීය සිතුවිලි සමග රැඳීසිට් ඔබ සැමට සතුටින් දැනුම් දෙන්නෙමු. මාස හයක් වැනි කෙටි කාලයක් තුල විවධ වු වෙනස් අත්දැකීම් හා පහසුකම් රැසක් ඔබ හමුවට රැගෙන ආ අප ඔබගේ පැමිණිම දිරිගැන්වීම හා අගය කිරිම් මෙන්ම චෝදනා හා වෙනත් යෝජනාද මහත් වූ හරසරින් පිළිගත්තෙමු. ඉදිරියටත් එය එසේම වනු ඇත.

අන්තර්ජාලය හරහා හෙවත් සිංහල වියුණු හරහාම දැන හඳුනා ගත් හා කිසි දිනක හැබැහින් නොදුටු ලාංකීය සිතුවිලි මෙහෙයවන සහෘර්දයන් හත් දෙනෙකු සමග මෙන්ම විශේෂ අදහස් ඉදිරිපත් කරමින් සහයෝගයෙන් වැඩ කරන තවත් සහෘර්දයන් කිහිප දෙනෙකුගේද සහායෙන් මෙතුවක් කල් ඔබ හමුවට ආ අප දැන් පසුකරමින් සිටින්නේ මාස හයේ සීමාවයි. මේවන විට අප ඔබට විශේෂ පහසුකම් හා වෙනත් විනෝදය හා දැනුම ලබා දෙන වැඩ සටහන් කිහිපයක් හඳුන්වා දී ඇත.

මෙසේ පෙළ ගස්වමු.
පහසුකම්

1.පටස්
ලිපියක් ලියා බොහෝ වෙලාවක් බලා නොසිට, ලිපිය ලියූමො‍හොතේම එම ලිපිය ලාංකීය සිතුවිලි තුලට ඇතුලත් කරගත හැකි ක්‍රමවේදයක් ලෙස මෙය සැකසී ඇත.

2.ඊලඟ මෙහෙයුම් කාලය
ලාංකීය සිතුවිලි ලිපි සොයා කරනු ලබන ඊලඟ මෙහෙයුම කරන වේලාව ඔබගේ දැන ගැනීම පිණිස දක්වා ඇත

3.ලිපි වර්ග කිරීම
මාස හයක් ඉකුත්ව යෑම ඉලක්ක කොට අලුතෙන් හඳුන්වා දුන් මෙම ක්‍රමය මගින් ඔබගේ සම්පුර්ණ වියුණුවම එක් වර්ගයට අතුලත් කර, ලියන විවිධාකාර වු ලිපි වලට අසාධාරණයක් නොකර අදලා ලිපිය පමණක් වර්ග කල හැකි පරිදි නවමු වැඩපිළිවෙලක් සකසා ඇත. මෙම ක්‍රමය කිසි විටෙකත් ඔබගේ ලිපිය මුල් පිටුවෙන් අයින් කර නොදමයි. මුල් පිටුවේ මෙන්ම අදාල වර්ගයේද එම ලිපිය පෙන්වයි. එනම් ලාංකීය සිතුවිලි තුල ස්ථාන දෙකක ඔබගේ එකම ලිපිය ගෙන හැර දක්වයි.

4.පරණ ලිපි
මුල් පිටුවේ දිග හැරෙන සෑම ලිපියක් සමගම බැඳි ඇති “පරණ ලිපි” යන බැඳිය එම අදාල වියුණුවේම පල කරන ලද පරණ ලිපි තුනක් එසැනින් ගෙන හැර දක්වයි.

5.අදහස්
මෙය හඳුන්වා දීමේ අරමුණ වුයේ, බොහෝ දෙනකු බැලීමට යන්නේ මුල්පිටුවේ ඉහළින් ඇති ලිපි පමණකි. එබැවින් යම් විදිහකින් වටිනා ලිපියක් පහළට වන්නට තිබුණු විට එය ඇස නොගැටී මග හැරී යනු ඇත. එය යම් දුරකට හෝ වලක්වා ලීමේ අරමුණින් අදහස් ඇති යන දකුණු ඉහළ කෙලවර නව කලාපය හඳුන්වා දී ඇත. අදහස් දැක්වීමට ඔබ ලාංකීය සිතුවිලි හි සාඩම්බර සාමාජීකයෙකු විය යුතුමය.
[ නිදහස් අදහස් දැක්වීම නතර කරන ලද්දේ සිංහල භාෂාවේ ඇති බොහෝ අසභ්‍ය වචන ලයිස්තු ගත කර ගැනීමෙන් අනතුරුවය. එහෙයින් එම අවස්ථාවෙන් ප්‍රයෝජන ගෙන අසභ්‍ය වචන දෑමු සිංහල බ්ලොග් පාඨක ඔබටත් අපගේ ආචාරය නිතැතින්ම හිමිවෙයි.]

6.මුහුණු
ලාංකීය සිතුවිලි සාඩම්බර සාමාජීකයෙකු වන ඔබ http://lankeeya.lk/ තුලට අතුලුවිමෙන් [ Log ] අනතුරුව http://syndi.lankeeya.lk/ මගින් ලිපි බැලීමේදි ඔබගේ මුහුණ එම ලිපියට අදාලව පහළින් දක්වයි. මෙම ක්‍රමයේ අරමුණ වුයේ එම ලිපි බැලු පාඨකයාගේ අඩවිය සඳහා යම් කිසි ප්‍රචාරයක් ලබාදිමයි. පසුගිය දින කිහිපයයේ කරන ලද විශ්ලේෂණයන්ට අනුව බොහෝ දෙනෙකු මෙම “මුහුණු” යන බැඳිය හරහා ලිපිය බැලු පඨකයාගේ වියුණු අඩවියට ගොස් ඇත. ලිපිය ලියු අඩවයට පමණක් නොව එය බැලු පාඨකයාගේ අඩවියටත් යම් කිසි ප්‍රචාරයක් ලබා දීම අපගේ යුතුකම්ක් ලෙස සැලකුවෙමු.

විනෝදය හා දැනුම
7.ප්‍රහේලිකාව
ලාංකීය සිතුවිලි සාඩම්බර සාමාජීකයෙකු වන ඔබ http://lankeeya.lk/ තුලට අතුලුවිමෙන් [ Log ] අනතුරුව http://puzzle.lankeeya.lk/ අඩවියට ගොඩ වූ වට ඔබගේ දැනුම හා විනෝදය සඳහා වු මෙම ප්‍රහේළිකාව පිරවිය හැක. කොටස් වශයෙන්ද පිරවිමේ හා නැවත නැවත සකස් කීරිමේ පහසුකම් සලසා ඇත. සෑම මසකම දෙවරක් ඉදරිපත් කරීමට දැනට සැලසුම් කර ඇත. තව විස්තර ඉදිරි දිනයකදී බලාපොරොත්තු වන්න.

වෙනත්

ලාංකීය සිතුවිලි ‍තුලට ඔබ අතුලු [login] වූ පසු, අපගේ අඩවි සියල්ලටම ඒ අතුලව[login] හරහා ගමන් කල හැක. එනම් ඔබ http://lankeeya.lk/ හරහා අතුලු වුව හොත්, http://syndi.lankeeya.lk/ හා http://puzzle.lankeeya.lk/ හිද ඔබේ අතුලුව සර්තකව භාවිත කල හැක. ඒ බව දැක්වීමට දකුණු පස උඩ කෙළවරේ ඔබගේ මුහුණ දිස්වනු ඇත.

ඉහත සඳහන් කල කරුනු වලට අමතරව යම් කිසි අයෙකුට විශ්ලේශනාත්මක ලෙස සිංහල බ්ලොග්කරණය පිළිබද දළ අදහසක් ගැනීමට http://lankeeya.lk/ හි ප්‍රස්ථාර හා ලැයිස්තු ගත කීරිමෙන් තොරතුරු ඉදිරිපත් කර ඇත.

නිවේදනයයි !

http://blog.inetlanka.com සබැඳියෙන් ඔබ වෙත පිවිසුනු අපි, ලාංකීය හදවතට වඩාත් ලඟින් දැනෙන http://lankeeya.lk සබැඳියෙන් සේවා සැපයීමට දැන් උත්සුක වී ඇති අතර පැරණි සබැඳිය භාවිතා කිරීම සම්පූර්ණයෙන් නැවැත්වීමට ලාංකීය සිතුවිලි පරිපාලනය තීරණය කර ඇත. එහෙයින් ඔබ දැනට අප හා සම්බන්ද වීමට යොදා ඇති පෝෂක (feed) හා සබැඳි (links) යාවත්කාලීන කරන ලෙස කාරුණිකව ඉල්ලා සිටිමු.

ප්‍රහේලිකාව පිරවීම

2010-07-29T20:11:00.002+05:30

ප්‍රහේලිකාව පිරවීම

පියවර වශයෙන් ගත් කල පහත අයුරු වේ.

1. ප්‍රථමයෙන් ලාංකිය සිතුවිලි නව වෙබ් අඩවිය වන http://lankeeya.lk/ වෙත පිවිසෙන්න.

2. එහි දී ඔබ පෙර මෙහි ලියාපදිංචි වූවකු නම් ඉහළ දකුණු කෙලෙවරෙහි දී ඇති ස්ථානයේ අවැසි දත්ත සටහන් කොට ලොග් වන්න. ඔබට ඔබගේ මුරපදය අමතක වූයේ නම් ‘අමතක අය’ යන සබැඳි‍ය භාවිතා කරන්න. එසේ නොමැති නම් ‘අලුත් අය’ යන සබැඳිය ඔස්සේ ගොස් ඔබගේ විද්‍යුත් ලිපිනය සහ කැමති මුරපදයක් භාවිතා කොට ලියාපදිංචි වන්න. ඔබ බ්ලොග් අඩවියක හිමිකරුවෙකු නම්, මේ සඳහා ඔබ ඔබගේ බ්ලොග් අඩවිය ලාංකිය සිතුවිලි හී ලියාපදිංචි කිරීමේදි භාවිතා කරන්නට යෙදුනු විද්යු ත් ලිපිනය භාවිතා කිරීම මැනවි.

3. එවේලෙහිම ඔබට ලාංකිය සිතුවිලි වෙතින් Lankeeya Account Details නමින් විද්‍යුත් ලිපියක් ලැබෙනු ඇත. එහි දී ඔබගේ මුරපදය සමග ලියාපදංචිය සනිටුහන් කරනු පිනිස සබැඳියක් එවනු ඇත. එම සබැඳිය ක්ලික් කිරීම මගින් ඔබේ ලියාපදිංචිය සම්පූර්ණ වේ.

4. දැන් ඔබ ලාංකීය සිතුවිලි වෙබ් අඩවියේ සාඩම්බර සාමාජිකයෙකි. එබැවින් ඔබට අවැසි අවස්ථාවන්හිදී http://lankeeya.lk/ ට ලොග් විය හැක.

5. මෙසේ ලොග් වූ විට, ලියාපදංචිය සඳහා ඔබ විසින් භාවිතා කරන්නට යෙදුනු විද්‍යුත් ලිපිනය හා බැඳි, ඔබගේ බ්ලොග් අඩවි සියල්ල දිස් වෙයි. එයට අමතරව පටස් පහසුකමට මෙහි සලසා ඇත. මෙහි දී ඔබට කැමති පිංතූරයක් දිස්වීමට සැලැස්විය හැක. ඒ සඳහා දැනට දිස්වන ‘ලා’ අකුර රැගත් ලාංකීය සිතුවිලි හී ලාංඡනයට යටින් ඇති ‍ ‘වෙනස් කරමි’ යන සබැඳිය භාවිතා කරන්න.

6. ප්‍රහේලිකාව පිරවීම අරඹන්නට මෙහි දී ඇති ප්‍රහේලිකා සබැඳිය මත ක්ලික් කරන්න.

7. ප්‍රහේලිකාවේ ඔබ කැමති ප්‍රමාණයක් පුරවා, ‘මාත් පිරෙව්වා’ යන්න ක්ලික් කිරීම මගින් එය සේව් කර තැබිය හැක. යම් ප්‍රමාණයක් පුරවා පසුව ඉතිරිය පිරවීම සඳහා මෙසේ සේව් කර තැබිය හැකි අතර සම්පූර්ණයයෙන් පුරවන්නට යෙදුනු ඔබගේ ප්‍රහේලිකාවේ නිරවද්‍යයතාව එළඹෙන සිකුරාදා දිනයේ ප්‍රකාශයට පත් කෙරෙනු ඇත.

බොහොම දෙනෙක් ප්‍රහේලිකාව පුරවන්නට උත්සහ දැරීම අපට සතුටට කරුණකි. ඒ අතරින් කිහිප දෙනෙකුම ඉතාමත් නිවැරදි අයුරින් ප්‍රහේලිකාව පුරවා ඇති අතර අනෙකුත් බොහොම දෙනෙකුට වැරදි ඇත්තේ අකුරක් දෙකක් පමණි. මෙය ප්‍රථම අවස්ථාව නිසා තරමක පහසු ප්‍රහේලිකාවක් ඉදිරිපත් කළෙමු. ඉදිරියට මෙයට වඩා සිතා බලා පිරවිය යුතු ප්‍රහේලිකාවන් පියවරෙන් පියවර ඉදිරිපත් කිරීමට බලාපොරොත්තු වෙමු.

ප්‍රහේලිකාව පිරවීමට නම් ලාංකීය සිතුවිලි වෙබ් අඩවියේ ලියාපදිංචි විය යුතු බව ඔබ දැනටමත් දන්නා කරුණකි. එසේ ලියා පදිංචි වීමෙන් අනතුරුව ඔබගේ අනන්‍යතාව දැක්වෙන ලෙසින් නම මෙන්ම පිංතූරයක්ද එකතු කර ගැනීම අත්‍යවශ්‍යය කරුණක් වනුයේ එසේ නොවුනහොත් ඔබද දිස් වන්නේ ලාංකිය සිතුවිලි ලාංඡනය යටතේ ලාංකීය සිතුවිලි යන නාමයෙන් වන නිසාය. එවිට නිවැරදිව ප්‍රහේලිකාව පිරවූ ඔබව පැහැදිලිව හඳුනා ගැනීමට අන් අයට නොහැකි වනු ඇත.

මිනිසත් කමක් නොහඳුනනා කුරිරු ලොවේ..මිනිසෙකු මල නිසයි දුක මරණයට නොවේ..

2010-07-27T18:11:00.002+05:30

පුරුදු කල හිතකට මරණය තවත් එක් ගමනක් පමණයි කියල පූජ්‍ය අජාන් චා හාමුදුරුවෝ එක්තරා වෙලාවකදී දේශනා කලා. මරණය ගමනක් නම්, කුමුදු සර් තරම් ඒ ගමනට සූදානම් වෙලා හිටපු කෙනෙක් නැතුව ඇති. අප අතරින් වෙන් වෙන්න දවස් කීපයකට කලින් ලියපු අන්තිම ලිපියේ සර් තමන්ගේ මරණය ගැන ඉඟි කරනවා. කුමුදු සර්ගෙන් ඉගන ගත්ත අය කොච්චරනම් වාසනාවන්තද ? අපේ අවාසනාවට සර්ට අපි වෙනුවෙන් දැනුම බෙදාගන්න පුලුවන් උනේ මාස හතරකට ආසන්න කාලයකට විතරයි. නිවෙන්න කලින් පහනක දීප්තිය වැඩි වෙන්නා වගේ මේ අවසාන කාලයේ සර් සිංහල බ්ලොග් අවකාශයට එකතු කල අලෝකයෙන් අලෝකමත් වුනු අපට සර්ගේ අඩුව තදින් දැනේවි. සර්ට නිවන් සුව ලැබේවා කියල කියන්න තරම් අපි පරාර්ථකාමී නෑ. සර් ආයෙත් මේ පොළවෙම ඉපදී මෙ කල මෙහෙවර ඉදිරියටත් කරගෙන යාමට පුලුවන් වෙන්න කියල ආත්මාර්ථකාමී ප්‍රාර්ථනයක් කරන්නම් අපි.

ලාංකීය සිතුවිලි වෙබ් අඩවිය දියත්වූ වගයි

2010-07-25T13:23:00.000+05:30

ආයුබෝවන්!

ලාංකීය සිතුවිලි නව වෙබ් අඩවිය දියත් කර ඇති බව ඔබට දන්වා සිටින්නේ හද පිරි සතුටිනි.
http://lankeeya.lk/

http://syndi.lankeeya.lk/ වෙත පිවිසීමෙන් ඔබට බ්ලොග් කියවනය භාවිතා කල හැක.

http://lankeeya.lk/ තුලින් ඔබට වඩාත් පහසුවෙන් ලාංකීය සිතුවිලි හා සම්බන්ධව කටයුතු කිරීමට ඉඩකඩ සකස් කිරීම අපගේ බලාපොරොත්තුව වන අතර, මේ එම උත්සාහය මල්ඵල ගැන්වීමේ එක් සන්ධිස්ථානයක් ලෙස අපි සලකමු.

අපගේ නව අඩවියෙන් ඔබට පහත සඳහන් සේවාවන් ලබාගත හැක

1. ලියාපදිංචි වීම තුලින් ඔබගේ බ්ලොග් අඩවියේ ලාංකීය සිතුවිලි හා සම්බන්ධ වෙනස්කම් සිදු කිරීම. (ලියාපදිංචි වීමේදී, ඔබ ඔබේ බ්ලොග් අඩවිය ඇතුලත් කරන අවස්ථාවේදී ලබාදුන් ඊ-මේල් ලිපිනයම භාවිතා කිරීම අත්‍යවශ්‍යයි.)

2. ලාංකීය සිතුවිලි සාහිත්‍ය අතිරේකය හා සම්බන්ධ වීම. (ඉදිරි දිනකදී කලඑළි දකින)

3. ඔබගේ දැනුම - විනෝදය වැඩි කරන හරස්පද ප්‍රෙහේලිකා පිරවීම.

මීට අමතරව, ඉදිරියේ තවත් නව අංග බොහෝමයක් සමග ඔබට වඩාත් සමීප වීම අපගේ බලාපොරොත්තුවයි.

වෙනසක් සමග නැවුම් අත්දැකීමක් ලඟදීම

2010-07-19T22:23:00.001+05:30

ලාංකීය සිතුවිලි සමග අලුත් ගමනක ආරම්භය නුදුරු දිනකදීම

වැඩි දුරු තොරතුරු නුදුරු දිනකදීම .........................

ලාංකීය සිතුවිලි තාවකාලිකව අක්‍රීය කල අඩවි

2010-06-24T20:20:00.005+05:30

පහත අඩවි සියල්ල, ලාංකීය සිතුවිලි අලුත් ලිපි සොයා කරන මෙහෙයුම් වලට සහභාගි කරනොගැනේ. නැවත එක් කරගැනීමට කල යුත්තේ අලුත් ලිපියක් ලියා පටස් කීරිම පමණි. වැඩි දුර තොරතුරු සඳහා මෙතනට ගොඩවන්න

බිன்kuගේ සිත් කොදෙව්ව

අවක්ෂේප

සුබ අනාගතයක්

BA Gayan's Personal Blog

සරදියල් අයියාගේ තිප්පොල

computer science and technology

ආයුබෝවන්! neluwa DJ එන්න..එක්වන්න...විඳගන්න....

අනේවාසික - The non-resident Sri Lankan

පිටස්තරයෙකුගේ ජිවිත අත්දැකීම්

ලොස්ට්INරොමෑන්ස්

රාවායනය

KaniRockz ගේ සටහන

෴ සිංහලෙන් භෞතික විද්‍යාව ෴

Y-පරම්පරාවේ කතා

‍ශෂී‍ගේ අවකාශය

- රූපාවලෝකණ - - කැමරා ඇසින් දකින ලෝකය

e-ගම්පොලයා

සිංහලෙන් ගණිතය

CoolC ගෙ බ්ලොග් එක........

පහත බ්ලොග් සියල්ල පටස් අක්‍රීය කීරීමට ලක් කරනු ලැබේ

2010-06-21T20:53:00.019+05:30

දවස් 90 ක් තුල කිසිඳු අලුත් ලිපියක් නැති නිසා පහත අඩවි සියල්ල අක්‍රීය කෙරේ. යම් කිසි වැරදීමකින් එසේ අලුත් ලිපි ලියු අඩවියක් මෙම ලැයිස්කුවේ ඇතිනම් අපව දැනුවත් කරන්න. කොළ පැහැ අඩවි ඉවත් නොකෙරේ

උදාරයාගේ තිප්පොළ

D ZONE Sinhala

පුලින තලාව

යෂීගේ දින පොත.........අනන් ම්නන්

Srilanka Actress and Models Photo

Kalana's Blog

.....ජිවිතයෙන් බිඳක්......

බිன்kuගේ සිත් කොදෙව්ව

BA Gayan's Personal Blog

True Of Life

කාලිංගගේ බ්ලොග් සටහන

තිලාන්ගේ ලෝකය

ප්‍රියන්තගේ සේයා සටහන්

සරදියල් අයියාගේ තිප්පොල

computer science and technology

ආයුබෝවන්! neluwa DJ එන්න..එක්වන්න...විඳගන්න....

අනේවාසික - The non-resident Sri Lankan

පිටස්තරයෙකුගේ ජිවිත අත්දැකීම්

ලොස්ට්INරොමෑන්ස්

රාවායනය

KaniRockz ගේ සටහන

෴ සිංහලෙන් භෞතික විද්‍යාව ෴

Y-පරම්පරාවේ කතා

ගිටාරය

‍ශෂී‍ගේ අවකාශය

- රූපාවලෝකණ - - කැමරා ඇසින් දකින ලෝකය

e-ගම්පොලයා

සිංහලෙන් ගණිතය

CoolC ගෙ බ්ලොග් එක........

බ්ලොග් අඩවි ක්‍රියාවිරහිත කීරිම

2010-06-13T08:28:00.005+05:30

දැනට ලාංකීය සිතුවිලි මෙහෙයුමට යොදාගන්නා බ්ලොග් අඩවි අතුරින් අඩවි 50 කට ආසන්න ප්‍රමාණයක් මාස තුනක් ඇතුලතදී කිසිඳු ලිපියක් ලියා නොමැත. එම අඩවි දැන ගැනීම පිණිස මෙම බැඳියට ගොඩවන්න. එම පිටුවේ ඉහලින්ම දක්වා ඇත්තේ එසේ ක්‍රියාවිරහිත කරන අඩවිය. පනහකට ආසන්න එම සියලු අඩවි ලබන සිකුරාද හෙවත් 2010/06/18 දින ස්වයංක්‍රීයවම ක්‍රීයාවිරහිත වී යනු ඇත.

නැවත ලාංකීය සිතුවිලි වලට ඇතුලත් කරන්නේ කෙසේද?
ක්‍රීයාවිරහිත කල අඩවියක් නැවත ලාංකීය සිතුවිලි වලට ඇතුලත් කීරිමට ඔබ කලයුත්තේ අලුත් ලිපියක් ලියා පටස් කීරිම පමණි. එවිට නැවතත් සමාන්‍ය අඩවියක් ලෙස ලාංකීය සිතුවිලි මෙහෙයුම් වලට ඔබ අඩවිය, ස්වයංක්‍රීයවම එක් වනු ඇත.

මේ පිළිබඳව යම් කිසි ගැටුලවක් ඇත්නම් අප හා සම්බන්ද වන්න lankeeyasithuwili@gmail.com

ලාංකීය සිතුවිලි කවිමඩුවෙහි සමාප්තිය.

2010-05-17T15:59:00.004+05:30

ශ්‍රී ලාංකීය ඉතිහාසයේ ප්‍රථම වතාවට ලාංකීය සිතුවිලි මගින් සංවිධානය කෙරුනා වූ කවි මඩුව ඉතාම සාර්ථකව නිමා කර ගැනීමට නන් අයුරින් සහයෝගය දැක්වූ සියළු සහෘදයන්ට, ලාංකීය සිතුවිලි කණ්ඩායම ස්තුති පුද කරමු. ගීත්ගේ අදහසක් ක්‍රියාවට නංවමින් කවි හිතකාමී ඔබ සැම එක් කීරිමට ලැබීම පිලිබඳ අප කණ්ඩායමක් ලෙස බොහෝ සතුටු වන්නෙමු.

තාක්ෂණික ක්‍රම හා වෙනත් බොහෝ දැ තිබුණත් කවිමඩුවේ සාර්ථකත්වය රඳාපවතිනුයේ එයට සහභාගීවන්නන් මත බව ලාංකීය සිතුවිලි හොඳාකාරවම දන්නෙමු. එබැවින් ඒ සඳහා ලියාපදිංචි වු ,කවි ලිවිමෙන් සහායෝගය දැක්වු හා දැක ගැනීමට පැමිණි සියල්ලන්ට ස්තුතිය පුදකරන්නෙමු

නැවත වරක් මෙවැනිම කවි මඩුවකින් හමු වීමට තිර අදිටන ඇතිව සහබාගී වු ඔබ සැමට ලාංකීය සිතුවිලිහි අචාරය මෙසේ පුද කරන්නෙමු.

ලාංකීය සිතුවිලි කවිමඩුව

2010-05-14T07:54:00.004+05:30

ලාංකීය සිතුවිලි මෙහෙයවන, ලාංකීය ඉතිහාසයේ ප්‍රථම වරට සංවිධානය කරනු ලැබූ අන්තර්ජාල කවි මඩුව 2010.05.13 උදෑසන 8.30 ට චිරගත සම්ප්‍රදායට මුල් තැන දෙමින් පොල්තෙල් පහන දැල්වීමෙන් ආරම්භ කෙරුණි. 2010.05.16 රාත්‍රී 12.00 වනතුරු විවිධ මාතෘකා ඔස්සේ කවි මඩුව ඉදිරියට යනු ඇත. එය අවසන් වීමෙන් අනතුරුව කවිමඩුව තුල සාකච්චාවට ගත් සියලුම මාතෘකා සමග සංවාදමන්ඩප සියල්ල ලාංකීය සිතුවිලි අන්තර්ජාලයට නිදහස් කිරීමට බලාපොරොත්තු වේ.

කවිමඩුව නැරඹීමට මෙතනින් යන්න.

කවි මඩුව අදයි - ආරාධනය ඔබටයි

2010-05-13T07:24:00.000+05:30

ආරාධනාවයි

ලාංකීය සිතුවිලි මෙහෙයවන, ලාංකීය ඉතිහාසයේ ප්‍රථම වරට සංවිධානය කරනු ලැබූ
අන්තර්ජාල කවි මඩුව අද උදෑසන 8.30 ට
චිරගත සම්ප්‍රදායට මුල් තැන දෙමින්
පොල්තෙල් පහන දැල්වීමෙන්
අරම්භකෙරේ

එම සුබ කටයුත්තට පහන් සිලක් දැල්විමට ඔබට කෙරෙන
සුහද ආරාධනයයි මේ

විශේෂ දැනුම් දීම්
1. අද උදැසන 8.30 සිට කවිමඩුව විවෘතව පවතියි
2. කවිමඩුව සඳහා firefox හෝ crome බ්‍රව්සර් යොදාගන්නේ නම් මැනවි
3. මුල් කටයුත්ත පොල්තෙල් පහන දැල්වීමයි
4. ඉන් අනතුරුව දිනකට එක් මතෘකාවක් හෝ දෙකක් බැගින් අවස්තානුකූලව මාතෘකා සපයනු ඇත
5. මඩුව පැවැත්වෙන ස්තානය http://kavimaduwa.lankeeya.lk/

කවි මඩුව හෙටයි - ආරාධනය ඔබටයි

2010-05-12T21:13:00.004+05:30

ආරාධනාවයි

ලාංකීය සිතුවිලි මෙහෙයවන, ලාංකීය ඉතිහාසයේ ප්‍රථම වරට සංවිධානය කරනු ලැබූ
අන්තර්ජාල කවි මඩුව හෙට උදෑසන 8.30 ට
චිරගත සම්ප්‍රදායට මුල් තැන දෙමින්
පොල්තෙල් පහන දැල්වීමෙන්
අරම්භකෙරේ

එම සුබ කටයුත්තට පහන් සිලක් දැල්විමට ඔබට කෙරෙන
සුහද ආරාධනයයි මේ

විශේෂ දැනුම් දීම්
1. හෙට උදැසන 8.30 සිට කවිමඩුව විවෘතව පවතියි
2. කවිමඩුව සඳහා firefox හෝ crome බ්‍රව්සර් යොදාගන්නේ නම් මැනවි
3. මුල් කටයුත්ත පොල්තෙල් පහන දැල්වීමයි
4. ඉන් අනතුරුව දිනකට එක් මතෘකාවක් හෝ දෙකක් බැගින් අවස්තානුකූලව මාතෘකා සපයනු ඇත
5. මඩුව පැවැත්වෙන ස්තානය http://kavimaduwa.lankeeya.lk/

--
___________
ලාංකීය සිතුවිලි
___________

ක‍ඩපලේ කතාවක්

2010-05-09T10:20:00.006+05:30

සිරිපාල

මුදලාලි මටත් දෙන්න

අඩු සීනී ප්ලේන්ටියක්

ඇඹුල් කෙහෙල් ඉදිලා මදී‍

මාළු පාන් නැතිද ආවේ

කඩේ මුදලාලි

ඊයේ නොවැ කැන කැපුවේ

හෙට වෙනකොට ඉදෙයි ඕක

මාළු පාන් නැතිය තාම

කනවානම් කිඹුලා බනිස්

සිරිපාල

බං මහතුවො දන්නවාද

ඊයේ වෑන් එකක් ගියා

කවි මඩුවක් ගැන විස්තර

යකඩ කටින් කියා ගියා

මහතුන්

කවි මඩුවක් ගැන විස්තර

ඈ බං බොට සිහි විකල්ද

ඒවා තිබුනේ ඒ කාලේ

දැන් නැහැ බොල ඒ තාලේ

සිරිපාල

නැහැ මහතුවො සිරා වැඩක්

කවි වාදලු එතන ඇත්තේ

කවි කිවිදියෝ වලි පිට වලි

බලා ඉන්න අපිටලු ජොලි

ටිකිරා

අපේ ආතත් කියා තිබුනා

කවි මඩු ගැන ඒ කාලේ

ඒ උනාට අපිට කොයිද

ඒ වාදන මේ කාලේ

මහතුවා

ඈ බං ඒ හැබෑවක්ද

මොකද්ද බොල ඒ හරුපේ

මට නම් නැහැ වැටහෙන්නේ

අනේ සිරියෝ කියාදියං

සිරිපාල

ලාංකීය සිතුවිල බං

මෙහෙය වන්නේ මේ විගඩං

සයිබර් අවකාශය තුල

on line ලු වැඩේ වෙන්නේ

කඩේ මුදලාලි

අතන මෙතන කසු කුසු ගෑ

කවි කිවිදියෝ එකතු කරන්

අමුතුම තාලේ වැඩක් ලු

මේ කොල්ලන් කරන්නේ දැන්

ටිකිරා

අම්මපා බං හැබෑමනන්

අපි කෝමද ගොඩවෙන්නේ

අපිටත් කවියක් කියන්න

බැරි වද චාන්ස් එකක් ගන්න

සිරිපාල

මොකෑ බොලන් බැරිය අපට

ඒකනේ උන් කියා ගියේ

කවි කියන්න කවි අහන්න

ඕන එකෙක් වරෙව් කියා

මහතුවා

මට නම් බෑ කවි කියන්න

ඒත් බැරිය නිකල් ඉන්න

හූ කියලා චියර් කරලා

බැරිද අපිට සහාය වෙන්න

සිරිපාල

ඕන දෙයක් ඔට්ටුලු බං

13 වෙනිදලු පටන් ගන්නේ

16 වෙනිදා වෙනකන්

ඕන තරම් කවි කියන්න

කඩේ මුදලාලි

අළුත් වැඩක් නිසා වෙන්නේ

බලමු අපිත් ඔළුව දාලා

මොනා උනත් අපේ කමට

අපේ දේවල් රැකගන්නට

ටිකිරා

කථාව පිට හොර ගෙඩියා

කැපුවා නේද මගේ ඉත්තා

අනේ අම්මපා මෙහෙමත් හොරු

බලහන් සිරි මේ උලමා

සිරිපාල

අනේ මන්ද උබලගේ වැඩ

මං හාමිනේ යනවා ඔන්න

එහෙනම් හැමෝම එනවා හොදයි

කවි මඩුවෙදි හමුවන්නට

මහතුවා

අපි නෑවිත් කෝමෙයි බං

අපි සේරමත් එනවා ඔන්න

දන්න කියන හැමෝටමත්

මේ විසතරේ කියනවා මං

මෙම මස 13 වන දින සිට 16 වන දින දක්වා ලාංකීය සිතුවිලි මෙහෙයවන කවි මඩුව මෙම් ස්තානයේදි පැවැත්වෙනු ඇත

පද ගැලපුම ගිත්

කරුණාවෙන් සවන් දෙන්න

2010-05-04T16:15:00.001+05:30

නාවල අන්නාසි කෝට්ටේ.....ක්රීලස්....කිවු....මියු....ටක් ..ටක්....චෙක්. වන්... චෙක් වන් ටු...සව...සවන...සවන් දෙන්න... සවන් දෙන්න...

මේ ඔබ අමතන්නේ....ලාංකීය සිතිවිලි මගින් ප්‍රථම වරට සංවිධානය කරනු ලබන සයිබර් කවි මඩුවේ ප්‍රචාරක රථයයි......මේ වන විට කවි හිතකාමී ඔබ පුල පුලා බලා සිටින කවි මඩුවේ වේදිකාව නිම වෙමින් පවතින අතර දැනට අවසන් අදියරේ අලංකරණ කටයුතු සිදුවෙමින් පවතින බව ඉතාම සතුටින් දන්වා සිටිමු...

කවි හිතකාමි ඔබ වෙනුවෙන්ම ලාංකීය සිතිවිලි සංවිධානය කරනු ලබන මෙම වේදිකාව ඕනෑම කෙනෙකුට විවෘත අතර කවි කියන්නන්ටද කවි රසවිදින්නන්ට මෙන්ම හු කියා මඩ ගසා චියර් එක දිය හැකි කොලු කුරුට්ටන්ටද ලාංකීය සිතිවිලි කවි මඩු සංවිධායක මන්ඩලය ඉතාම ලෙන්ගතුව ආරාධනා කර සිටිනු ලබයි. එමෙන්ම කවි කීම සදහා මඩුවට ඇතුළු වන්නනගේ නම් දැනට සංවිධායක කමිටුවේ ප්‍රධාන කාර්යාලයේදි ලියාපදිංවි කරගන්නා අතර ඒ සදහා කිසිම අයකිරීමක් නොමැති බවත් දවසේ ඕනැම වේලාවකදී ලියාපදිංචි විය හැකි බවත් දන්වා සිටිනු කැමැත්තෙමු. 2010. 05.11 දින උදේ 8.30 දක්වා ලියාපදිංචි වීමට අවස්ථාව ලබා දී ඇති අතර නොපමාව ඔබගේ පැමිණිම සනාත කර ලියාපදිංචි වී කවි මඩු සංවිධායක කමිටුවට සහාය දක්වන මෙන් ඉතාම කාරුණිකව ඉල්ලා සිටිමු.
තවද මෙම ඓතිහාසික සයිබර් කවිමඩුව පිළිබදව අන් අයද දැනුවත් කර කවි මඩුවේ මුලික ප්‍රචාරක වැඩසටහනට සහය දීමක් ලෙසින් කවි මඩුවේ ධජයක් ඔබ වාසස්ථානයේ ඉහලම ස්ථානයක පෙනෙන්නට සලසවන තරමට කාරුණිකව වන ලෙසින් සංවිධායක කමිටුව දයාබරව ඉල්ලා සිටිනු ලබයි.
ස්තුති.....

දොඩන් රස රසය කෑමටා....හු....හු.....හු...(වට පිටේ ඇට්ටිබි කොල්ලෝ කුරුට්ටෝ....)

ලිව්වේ
ගිත්

කවි කමට කවි මඩුවක්

2010-05-01T08:11:00.009+05:30

තාක්ෂණය අතින් නොදියුණු යුගයේ, අදහස් ප්‍රකාශ කිරිමේ විවධ වු ක්‍රමවේදයන් අතර කවියට තිබුනේ ප්‍රමුඛස්ථානයකි. පරිගනකය ජංගම දුරකතනයට සීමා වු අද කාලයේ බොහෝ දෙනකුට එයින් තොර වු දෙයක් සීතීමට නොහැක. මෙවන් යුගයක, අපේ කම පරිගනක ගත කිරිමේ වෑයටම දිරියක් දෙමින් ලාංකීය සිතුවිලි යන ගමන තුල කවියට ඉඩක් වෙන්කරදීමේ අරමුණින් කවි මඩුවක් සංවිධානය කර ඇත.

මෙහි මුල්ම අදහස ඉදිරිපත් කරන ලද්දේ ගීත් සහෝදරයා විසිනි. ඔහුගේ අදහසට ඉඩක් දෙමින් ලාංකීය සිතුවිලි මෙම කවි මඩුව අන්තර්ජාල අවකාශය තුල මෙසේ ඉදිකිරිමට සැරසෙයි. කවි ලිවිමට අති හැකි මෙන්ම කවි රසවිදිය හැකි ඔබට මේ සඳහා ඉදිරිපත් විය හැක. හුදෙක් සංවාදශිලීව ගොඩ නැගී ඉදිරියට ඇදෙමන් යන මෙහි, බොහෝ රසමුසු, හාස්‍ය , අපහාස , උපහාස හෝ බහුශ්‍රැත තැන් දැකීමට හැකි වනු ඇත. තවද ඔබට මේ සඳහා දිරි ගැන්විම් මඩ ගැසීම් හෝ වතුර ගැසීම් යන කාර්යයන්ගෙන්ද එක්විය හැක.

ඔබ කුමක් කල යුතුද?

1 ඔබ කවිමඩුවට සහභාගිවීමට කැමැත්තක් දක්වන්නේ නම්. මෙම බැදියට ගොඩවී ලියාපදිංචිවන්න.මෙපරිදි ලියාපදිංචිය අනිවාර්යය කර ඇත්තේ ඔබේ අනන්‍යතාවය‍ වෙනත් පුද්ගලයින් විසින් ලබාගැනීම වැලැක් වීම සදහාය. තවද ඔබ ලාංකීය සිතුවිලි තුලට ඇතුලත් කර ඇති බ්ලොග් එකක අයිති කරුවෙකුගේ නමකින් ලියාපදිංචි වන්නේ නම් ඉහත බැදියේ, එම බ්ලොගය ඇතුලත් කල මේල් ලිපිනයම සදහන් කරන්න. ලියාපදිංචි වන සැමට තහවුරුකරගැනීමේ පනිවිඩයක් එවනවා ඇත.

2 ලියා පදිංච්යේදී වඩා අකාර්ෂණය දිනා ගත හැකි මාතෘකාවක් හෝ දෙකක් දැම්මට අමතක නොකරන්න.

3. කවි මඩුවේ වෙදිකාව පුරුදු වීම සඳහා එය පැවැත්වීමට දින කිහිපයකට පෙර ඔබට වේදිකා ගත වී එහි පුර්ව පුහුණුවීම් කිරිමට ඉඩ දෙනු ‍ලැබේ.

4.ඔනැම අයකුට වතුර ගැසීම මඩ ගැසීම හෝ දිරිමත් කීරිමට වෙනම ප්‍රේක්ෂාකාගාරයක් ඉදිකර ඇත. මේ සඳහා ලියාපදිංච්යක් අනවශයයි.

කවිමඩුවට සහායක් වශයෙන් හැකිනම් පහත බැනරය ඔබ අඩවියට එක් කරගන්න.

<a href='http://blog.inetlanka.com/kavi_maduwa.php' title='කවි මඩුව'><img height="253" width="175" alt="" src="http://blog.inetlanka.com/banner/Kavi_Maduwa_02.png"></a>

සිදුවන ආකාරය

2010. 05.11 දින උදේ 8.30 දක්වා ලියාපදිංචි කර ගැනේ

ඉන් පසු ලියා පදිංචි වන සැමට රහස් පද හා නාමයන් ලබා දේ.

2010.05.11 වන දා සිට 2010.05.13 වන දින දක්වා, ලියාපදිංචිවන සැමට කවි මඩුව අත්හදා බැලීමට ලබාදේ

පුරා දින 3ක් විවධ මාතෘකා ඔස්සේ පැවැත්වෙන මෙහි කවි ලිවිම ඔබට පහසු වෙලාවක සිදු කල හැක.

පැවැත්වෙන දිනය පසුව දැනුම් දෙනු ලැබේ

ලාංකීය සිතුවිලි - මැරතන් - පටන් ගැන්මේ බාදා

2010-04-25T10:35:00.000+05:30

සිංහල බ්ලොග් කරුවන්ගේ සංසඳය ඇතිවු තත්වය යම් කිසි දුරකට පැහැදිලි කලත්, ඉන් ඔබ්ට ගිය වෙනත් කරුණු කිහිපයක් ඇති බව ලාංකීය සිතුවිලි අවධාරනය කරමු.

මුලීකත්වය දිය යුතුම කරුණ වන්නේ චතුරංග විසින් කිසිදු හානියක් ලාංකීය සිතුවිලි වලට කර නැති බවය. එම නිසා ඒගැන වැඩිදුර කතා කීරිම අවැසි නොවෙයි.

කරුණු පැහැදිලි කිරිම 01
සමගාමී විකාශයට කල ඉල්ලීම
මේ සඳහා අපි සිංහල බ්ලොග් කරුවන්ගේ සන්සදයේ නිල බ්ලොග් අඩවිය ඇතලත් කල වි ලිපිනය සොයා බැලුවෙමු. එහිදි දක්නට ලැබුනේ එය කාලංග සහෝදරයාගේ පුද්ගලික වි ලිපිනය බවයි. නිල අඩවියක් සඳහා පුද්ගලික ලිපියක් ඇති බැවින්, එය පුද්ගලිකවම කටයුතු කල යුතු කාරණවක් නිසා. එයට වැප් සහෝදරයා පුද්ගලික වි ලිපියක් යවන ලදී. හා එහිදි අප විමසා සිටියේ "මේ සඳහා ඔබ සන්සදයේ අවසරය කෙසේ වනු ඇතිද?" යන්නයි. එම ලිපියට ඉක්මන් ප්‍රතිචාර දක්වමින් කාලිංග ස‍හෝදරයා පවසා සිටියේ. එය කල හැකි බවයි.

කරුණු පැහැදිලි කිරිම 02
RSS ලබාදීම
මාර්තු 27 වන දින යැවු වි ලපියේ එකඟ වු කරුණු අනුව, ලාංකීය සිතුවිලි මැරතන් සඳහා විශේෂ ප්‍රචාරයක් ලබා දුනි. එහිම දිගුවක් ලෙස නැවතත් වි ලිපියක් අප්‍රේල් මස 23 දා යවනු ලැබුවේ, RSS එදින හෝ මැරතන් ඉසව්ව යෙදී තිබු දින උදැසන දෙන මෙන් සඳහන් කරමිනි. ඔය අතර තුර චතුරංග සහෝදරයා විසින්, කාලිංග වෙත කෙටි පණිවුඩයක් ද යවා උක්ත කාරනය මතක් කර දී ඇත. සියලුම දැනුම් දීම් වලට පිළිතුරු ලැබ්නේනේ මැරතන් පටන් ගැනීමට ආසන්නයේ, හෙවත් අප්‍රේල් මස 24 දින රාත්‍රි 7.55 පසු විමෙනි. වගකිව යුතු පුද්ගලයන් ලෙස සලකා ශාකුන්තල හා ඉන්ද්‍රනාමට යන සොයුරුන් දෙදෙනාට තරිදු සොයුරා විසින් යැවු ටුවිටර් පණිවිඩයටද කිසිඳු පිළිතුරක් නොලැබිණි.

කරුණු පැහැදිලි කිරිම 03
ලාංකීය සිතුවිල ලක් වු අපහසු තාවය
විකාශන කටයුත සඳහා වෙනම පිටුවක් සකසා, හවස 7.30 වන තුරු බලා සිටි ලාංකීය සිතුවිලි කණ්ඩායම, මැරතන් අඩවි නැති, හෙවත් මැරතන් දුවන්නන් නැති විකාශයක් පවත්වාගෙන යා නොහැකි නිසාවෙන්ම. හා ඊට මුලින් අප දුන් ප්‍රතිචාරය ලාංකීය සිතුවිලි වෙත පැමිණෙන්නන් රැවටීමක්මක් නිසාත්,මැරතන් දුවන අඩවි එකිනෙක සොයා බලමින්, ලාංකිය සිතුවිලි විශේෂ මැරතන් විකාශයට එක් කීරීමට පටන් ගත්තෙමු.

කරුණු පැහැදිලි කිරිම 04
පැමිණෙන පිරිස වැඩ කරගැනීම
ලාංකීය සිතුවිලි සංසදයක් නොවන බව ඉතා පැහැදිලිම කිවයුතුමය. තවද ලාංකීය සිතුවිලි සඳහා පැමිණෙන පිරිස මත එහි ඉදිරි ගම තීරණ වන බව හොඳාකාරව දන්නෙමු. එයට ලැබෙන ප්‍රතිචාර නැතිව ගිය දිනක කිසිඳු අයාසයකින් තොරව එය වැසී යනු ඇත.

කරුණු පැහැදිලි කිරිම 05
මැරතන් යෝජනාව
SBU ඇඩ්මින්වරු විසින් හිතාමතාම අමතක කරන කාරණාවක් නම් මාර්තු 18 වන දින සංගමයේ ගූගල් සමූහයට විද්‍යුත් ලිපියක් එවමින් චතුරංග රූපසිංහ මෙම මැරතන් තරඟය පිලිබඳ යෝජනාව ඉදිරිපත් කල බවයි. අපට අවශ්‍ය වන්නේ ඔවුන් කියනා ආකාරයට "SBU එකට කෙලවීමට" නම් එය අපට අපි විසින් සංවිධානය කල හැකිව තිබිණි. යම් හෙයකින් එය එසේ වූවානම් ලාංකීය සිතුවිලි අද මේ ඉසව්ව සඳහා දුන් දායකත්වය SBU ඇඩ්මින්වරුන්ගෙන් ලැබේදැයි සලකා බැලීම වටී. කිසිම වෙලාවකදී ලාංකීය සිතුවිලි ගැන සඳහනක් නොකිරීම ඔවුන්ගේ "මනුස්සකම" පෙන්වන ඉතා අගනා සාධකයකි.

කරුණු පැහැදිලි කිරිම 06
කාර්ය බහුලත්වය
SBU ඇඩ්මින් වරුන්ගේ බොහොම ජනප්‍රිය වචනයක් වන කාර්ය බහුලත්වය මෙහිදීද එලියට ඇදී ඇති ආකාරය පෙනී යයි. සමහර විට ඔවුන් නොදන්නා කාරණයක් විය හැක්කේ ඔවුන් හැරෙන්නට අනෙක් මනුශ්‍යයෝද කාර්ය බහුල විය හැකි බවයි. වෙනස නම් හැම දෙනාම එය නිදහසට කාරණයක් බවට පත් කර නොගැනීමයි. අනෙක ගූගල් ලිපිගොනුවක් ලබා දීම ඔතරම් වෙහෙසකර වන්නේ කෙසේද යන්න අපට ගැටලුවකි. අනෙක් කාරණාව නම් කාලිංග සොයුරු හැර අනික් සියල්ලන් මේ බව නොදැන සිටියාද? නො එසේ නම් ඔහු මෙය වසන් කලාද?

කරුණු පැහැදිලි කිරිම 07
පෞද්ගලිකත්වය
ලාංකීය සිතුවිලි තම නිල දැන්වීම තමන්ගේ නිල බ්ලොග් අඩවිය මගින් හෝ නිල විද්‍යුත් ලිපිනයෙන් පමණක් දනුම් දෙයි. ලාංකීය සිතුවිලි ඇඩ්මින් වරු, අනේකා කියන ඔනැම දේයකට එහෙයි කියන අපෘශ්ඨවංශියෝ නොවන නිසා තමන්ගේ පෞද්ගලික අදහස් තමාට කැමති පරිදි ඉදිරිපත් කිරීමට සම්පූර්ණ නිදහස ඇත. ලාංකීය සිතුවිලි කිහිප දෙනෙකුගේ සමූහ කාර්යයක් මිස සංසදයක් නොවේ. තනි පුද්ගලයකුගේ අදහසක් ලාංකීය සිතුවිලි පොදු අදහසක් ලෙස ගන්නේ කුමන පදනමකින්ද යන්න පැහැදිලි නැත.

කරුණු පැහැදිලි කිරිම 08

හිමි තැන

ලාංකීය සිතුවිලි පටන් ගත් දා සිටම, සිංහල බ්ලොග් කරුවන්ගේ සන්සදයට හිමි විය යුතු තැන එලෙසිනම් ලබාදුණි. කිසිඳු විටක එය පහත් කොට එයට හිමි තැන උදුරාගැනීමට කටයුතු නොකලෙමු. නමුත් මෙවන් වටිනා කාර්යයක් කරන විටත් එම කාර්යය පැහැර හරිමින් තවත් එවැනිම සේවාවක් සපයන, ලාංකීය සිතුවිලි හට මෙම අතපසු විම හෙවත් මැරතන් දා රාත්‍රි 7.55 ට උක්ත RSS ‍ගොනුව දීම කොතරම් දුරට සාධාරණ වන්නේද? යම් හෙයකින් එය එම අවස්තාවේදි අප ස‍හෝදර පිරිසට එම මැරතන් අඩවි අතුලත් කර විකාශණය කර ගත නොහැකි වුවා නම්, එහි දි ඇතිවන තත්වයට මත අපට වන අපහසුතාවයයේ වගකීම ගන්නේ කවුරුන්ද?

2010 මැරතන් තරඟයේ විශේෂ විකාශය

2010-04-24T19:12:00.000+05:30

ලාංකීය සිතුවිලි මෙහෙයවන විශේෂ මැරතන් විකාශයට මෙතනින් ගොඩ වන්න.

http://blog.inetlanka.com/bloggame.php

ඔබත් තවම ලාංකිය සිතුවිලි සමඟ එක්වුයේ නැත්නම්.

1. දැනට තිබෙන අඩවියක් නම් විලිපිනය හෝ අදහසට ඉඩක් මගින්ද?
2. අලුත් අඩියක් නම් ඔබ විසින්මද එකතු කරන්න

වේගවත්වීමේ රහස පටස්

2010-04-20T09:59:00.000+05:30

අඩවි නිර්මාණයේ තාක්ෂණික විදික්‍රම උපයෝගීත්වයෙන් ස්වයංක්‍රීයවම ඔබ අඩවි වල අලුත් ලිපි සොයා මෙහෙයුම් දියත් කීරිම සින්ඩිකේටර් හෙවත් බ්ලොග් කියවනයන්හි සමාන්‍යය ක්‍රියාකාරිත්වයයි. මෙම ලිපි සොයා කරනු ලබන මෙහෙයුමේ ප්‍රධානතම පෙරගමන් කරු වන්නේ RSS ලිපිනය හෙවත් අඩවි ‍පෝෂක බැඳියයි. තවද නියමිත කාල පරාසයක් අතර තුර යෑම මෙහි විශේෂ ලක්ෂණයකි. උදාහරණයක් විදිහට ලාංකීය සිතුවිලි මෙම මෙහෙයුම සෑම පැයකට වරක්ම සිදුකරයි. යම් හෙයකින් ඔබගේ අඩවියේ අලුත් ලිපියක් ඇත්නම්, එය ඔබ අඩවිය තුල පල කල වේලාවට අනුව ලාංකීය සිතුවිලි තුල මුල් පිටුවේ පිළිවෙලින් දිග හැර දක්වයි. දැනට මෙම කාල ප්‍රන්තරය පැයක් වුවත් බ්ලොග් ගනන වැඩි වන විට මෙම කාලය වඩා දිගු විය හැකිය. එවන් අවස්තාවල ඔබ ලිපිය ලාංකීය සිතුවිලි තුල මුල් පිටුවේ දැක්විමට යන කාලය බොහො දුරට වැඩිවනු ඇත. මෙයට වර්ධනාත්මක පිළිතුරක් ‍මෙන්ම කියවනයන්හි නව පෙරළියක් ඇති කරමින් පටස් නම් වු සංකල්පය ලාංකීය සිතුවිලි ඔබ හමුවට ඉදිරිපත් කර ඇත.

පටස් යනු කුමක්ද?

පටස් යනු බ්ලොග් ලිපිය ස්වයංක්‍රීයව ලාංකීය සිතුවිලි වලට ඇතුලත් වනතෙක් බලා නොහිඳ ක්ෂණිකව ඔබ විසින් ලිපිය ඇතුලත් කීරීමයි.මෙහිදී ඔබ විසින් ලියු අවසන් ලිපිය ලාංකීය සිතුවිලි වලට ඇතුලත් වේ. එයට මෙම සබැදියෙන් ඇතුලත් විය හැකියි.

ඔබ පටස් කල යුත්තේ ඇයි

මේ වනවිට බ්ලොග් ලිපි බැලීමට ලාංකීය සිතුවිලි වටා දිනකට විශාල පිරිසක් ස්ථීරව එකතුවෙමින් සිටී. පිටුව නැවත නැවත පීරීම් දිනකට විශාල ප්‍රමාණයක් සිදුවේ. දිනෙන් දින අප වටා අලුතෙන් එකතු වන ප්‍රමාණයද ඉහල නගී. බ්ලොග් කියවන්නන් මෙලෙස දිනෙන් දින එකතුවීමට ලාංකීය සිතුවිලි තුලින් ලිපි පෙන්වන වෙගය ඇතුලුව අනෙකුත් පහසුකම්ද හේතුවේ. අලුත් ලිපියක් අවකාශයට එකතුවෙනතුරු රැදීසිටින මේ පිරිසට ඔබට පටස් මගින් ඔබේ ලිපිය ඉක්මනින් ලබා දිය හැකියි. අනෙකුත් සින්ඩිකේටරයන් හි ලිපි පලවීම සැසදීමෙන් ලාංකීය සිතුවිලි තුල බ්ලොග් පෙන්වන ඉහල වේගය ඔබට මෙය මනාව අවබෝධද කරගත හැකියි. එමෙන්ම ඔබේ බ්ලොග් එකෙහි RSS පෝශකය නිවැරදිව ලාංකීය සිතුවිලි තුල ක්‍රියාත්මක වෙනවාදැයි දැනගැනීමට ද මෙමගින් හැකියාවක් පවතී.

අලුත් අවුරුදු සුබාශිංසන

2010-04-13T22:43:00.000+05:30

බක් මස 14 වන දින උදෑසන 6:58 ට යෙදෙන සුබ මොහොතින් උදාවන සිංහල හා හින්දු අලුත් අවුරුද්ද, ඔබට සාමය සතුට හා සෞ‍භාග්‍යය පිරි වසරක්‍ වේවායි ලාංකීය සිතුවිලි ප්‍රාර්ථනා කරමු. තවද වැඩි වැඩියෙන් ඔබේ වියුණට හරවත්, අර්ථවත් හා දැනුමෙන් පිරි ලිපි ලිවිමට හැකි වේවායි නිදහස් බ්ලොග්කරණයක අනාගතය සදහා ඇපකැප වී සිටින ලාංකීය සිතුවිලි මෙසේ සුබාශිංසන ගෙන එන්නෙමු.

පරිවර්තන මැරතන් තරගය - 2010 අප්‍රේල්

2010-04-12T22:45:00.000+05:30

ශ්‍රී ලංකාවේ පළමු වරට පරිවර්තන මැරතන් තරඟයක් 2010 අප්‍රේල් මස 27 දින රාත්‍රී 9.00 සිට 2010 අප්‍රේල් මස 28 වන දින රාත්‍රී 12.00 දක්වා පැවැත් වේ.
මෙහි අරමුණ වන්නේ දැනට අතුරු මුහුණතේ පරිවර්තන කටයුතු අවසන් වූ Openoffice.org සිංහල නිකුතුවට අදාල උදව් පිටු සිංහලින් සකස් කිරීමයි.
Openoffice.org සිංහල නිකුතුව සඳහා වචන 96,000 කට වඩා වැඩි ප්‍රමාණයක් සිංහලට හැරවීමට තිබු අතර මෙම උදව් පිටු සඳහා එමෙන් පස්ගුණයක් පමණ විශාල වූ කාර්යයක් නිම කිරීමට සිදුව ඇත.
100% නොමිලේ ලබා ගෙන Windows, GNU/Linux සහ MAC මත භාවිත කළ හැකි නිදහස් සහ විවෘත මෘදුකාංග අතරින් සුවිශේෂි මෘදුකාංගයක් වන Openoffice.org ව්‍යපෘතියට ආදරය කරන එමෙන්ම සිංහල බසින් මෘදුකාංග ප්‍රජාව අතරට යාම සඳහා දායකත්වයදීමට ලැදි ඔබ සැමට මින් ඇරයුම් කරමි.

ඔබ කොහොමඳ එක්වෙන්නේ?

Openoffice.org ශ්‍රී ලාංකික ප්‍රජාව භාවිත කරන තැපැල් ලැයිස්තුවට එක් වෙන්න.ඉන් අනතුරුව "Translation Marathon 2010 April "මාතෘකාව සහිතව ඔබේ සහයෝගය ලැබෙන බවට අපට විද්‍යුත් ලිපියක් එවන්න.
කරුණාකර මෙම මාතෘකාවම පමණක් භාවිත කරන්න.

ඔබ මොනවද දැනගත යුත්තේ?

සිංහල ලිවීම සඳහා සිංහල යුනිකෝඩ් භාවිතයෙන් ලිවීම අනිවාර්ය වේ. අදාල ඉංග්‍රිසි වදන් තේරුම් ගෙන එය සිංහලින් සරළව ලිවීමයි ඔබ කළ යුතු වන්නේ.
පරිගණක ක්‍රමලේඛනය පිළිබඳ දැනීමක් අවශ්‍ය නොවේ!

තනිවද තරග කරන්නේ?

ඔබට කැමති නම් තනිව හෝ කණ්ඩායමක් ලෙස තරඟ කළ හැක.
එනම් පාසැල්, විශ්ව විද්‍යාල, ආයතනික මිතුරන් සමඟ එක් රැස්වී තරඟ කළ හැක.

සයුරෙන් එහා ඉන්න මම?

ඔව් මව් රටින් බැහැර වුවත් ඔබටත් අන්තර්ජාලය හරහා දායක විය හැක.
පැය 27ක් පුරා දිවෙන බැවින් ඕනෑම වේලාකලාපයක කෙනෙක්ට සම්බන්ධ විය හැකියි. (දැනට එක්සත් රාජධානිය, සවුදි සහ ඉතාලියේ වෙසෙන ශ්‍රී ලාංකියන් සිව් දෙනෙක් සහය දීමට ඉදිරිපත්ව ඇත.)

දුවන අයට වතුර පාරක් ගහමුද?

ඔබට පරිවර්තන කාර්යයට එක් නොවුනත් මෙම වැඩසටහනට සහාය වීමට කැති නම් පහත දිස්වෙන ලෙස ඔබේ වෙබ්/බ්ලොග් අඩවියේ බැජ් එකක් ලෙස දැක්වීමට කාරුණික වන්න.

අවුරුදු නැකැත්

2010-04-06T19:52:00.000+05:30

පරණ අවුරුද්ද සඳහා ස්නානය
අප්‍රේල් මස 12 වන සඳුදා දිවුල් පත් මිශ්‍ර නානු ගා ස්නානය කොට ඉෂ්ට දේවතා අනුස්මරණයෙහි යෙදී වාසය මැනවි.

නව සඳ බැලීම
අභිනව චන්ද්‍රවර්ෂය සඳහා මාර්තු මස 18 වෙනි බ්‍රහස්පතින්දා ද, සුර්ය වර්ෂය සඳහා අප්‍රේල් මස 18 වෙනි ඉරිදා ද සඳ බැලීම මැනවි.

අලුත් අවුරුදු උදාව
අප්‍රේල් මස 14 වෙනි බදදා පූර්ව භාග 06.58ට සිංහල අලුත් අවුරුද්ද උදාවෙයි

පුණ්‍ය කාලය
අප්‍රේල් මස 13 වෙනි අඟහරුවාදා මධ්‍යඹ රාත්‍රී 12.34 ට හෙවත් අප්‍රේල් මස 14 වෙනි බදාදා පූර්ව භාග 00.34 සිට මෙදින අපරභාග 01.22 දක්වා පුණ්‍ය කාලය බැවින්, අප්‍රේල් මස 13 වන අඟහරුවාදා මධ්‍යම රාත්‍රී 12.34 ට හෙවත් 14 වන දින අපර භාග 02.34 හෙවත් 14 වන දින අපාරභාග 00.34ට පළමුව ආහාර පාන ගෙන සියලු වැඩ අත්හැර එදින අපර භාග 01.22 දක්වා පහත දැක්වෙන අයුරින් වැඩ අල්ලීම, ගනුදෙනු කිරීම හා ආහාර අනුභවය ආදී චාරිත්‍ර විදි ඉටුකිරීම ද මැනවී.

ආහාර පිසීම
අප්‍රේල් මස 14 වෙනි බදාදා පූර්ව භාග 07.01 ට පලාවන් පැහැති වත්‍රාභරණයෙන් සැරසී උතුරු දිශාව බලා ළිප් බැඳ, ගිණි මොළවා කිරිබතක්ද, උඳු මිශ්‍ර කැවිලි වර්ගයක්ද පිළීයෙල කරගැනීම මැනවි.

වැඩ ඇල්ලීම, ගනුදෙනු කිරීම හා ආහාර අනුභවය
අප්‍රේල් මස 14 වෙනි බදාදා පූර්ව භාග 9.07 ට පලාවන් පැහැති වත්‍රාභරණයෙන් සැරසී උතුරු දීශාව බලා සියලු වැඩ අල්ලා ගනුදෙනු කොට ආහාර අනුභවය මැනවි.

හිස තෙල් ගෑම
අප්‍රේල් මස 15 වන බ්‍රහස්පතින්දා පූර්ව භාග 10.06ට උතුරු දීශාව බලා හිසට බෝපත්ද, පයට කොහොඹ පත්ද, තබා රන්වන් පැහැති වත්‍රාභරණයෙන් සැරසී තෙල් සහ බෝයුෂ නානු ද ගා ස්නානය කිරීම මැනවි

රැකී රක්ෂා සඳහා පිටත්ව යාම
අප්‍රේල් මස 19 වන සඳුදා පූර්ව භාග 05.42ට උඳු මිශ්‍ර ආහාරයෙන්ද හා කිරිබත් අනුභව කර සුදු පැහැති වස්ත්‍රාභරණයෙන් සැරසී නැගෙනහිර දිශාව බලා පිටත්ව යෑම මැනවි

දක්ෂතා ඇති ඔබට, ලාංකීය සිතුවිලි ආරධනයයි

2010-04-01T00:00:00.000+05:30

සිංහල බ්ලොග් කලාවේ නව පෙරලියක් ඇති කරමින් ඔබ ‍වෙත පැමිණි "ලාංකීය සිතුවිලි" තවදුරටත් ඔබ වෙනුවෙන් කරන මෙහෙව‍ර ඉදිරියට ගෙන යාමේ පියවරක් පසුගියදා කල එලි දක්වනු ලැබුණි. එනම් වසරේ විවිධ වැදගත් දින වල තතු ඔබට පවසමින් අලංකාරවත් බැනරයක් හා හරවත් ලිපියක් එකතු කිරිමයි. කරනු ලබන මේ කාර්යභාරය සඳහා අප හා සැමදා බැඳී සිටන ඔබද දායක කරගැනීමට අප තීරණය කල බව දන්වන්නේ හද පිරි සතුටිනි.

මේ අනුව විවිධ වැදගත් දින පිලිබඳ ලිපි දැන් ඔබටද ලියා ඔබේ නමින් ඔබ අඩවියේම පල කල හැකියි. එම ලිපියට සක්‍රිය බැඳියක් දවස පුරා ලාංකිය සිතුවිලි තුලින් දෙනු ලබන අතර, ඒ සඳාහා ඉදිරිපත් කරන බැනර් නිර්මාණය සඳහාද "ලාංකීය සිතුවිලි" වල මුල් පිටුවේ ඉහළම කොටස වෙන් කර ඇති බව සතුටින් දන්වන්න කැමතියි. එලෙසම කල කර්යය අන් අයට දැන ගැනීම පිණිස බැනරය සිතුවම් කල හා ලිපිය ලියු අයගේ නම් ද මුල් පිටුව තුල එම දිනය මුලුල්ලේම දක්වනු ලැබේ.

ඔබටත් ලාංකික අපට වැදගත් දින ගැන හරවත් වුත් අලංකාර වුත් ලිපි මෙන්ම, සිතුවම්ද නිර්මාණය කල හැකි නම් එක්වන්න අප සමඟ. දක්ෂතා දෙකම එකවිට ඔබට අවැසි නොවෙයි. හැකියාව සිතුවම් නිර්මාණයට පමණක් නම් එයද ප්‍රමාණවත් වනු ඇත. එලෙස දක්ෂතාවය මොනවට විදහා දක්වනුයේ හරවත් ලිපි ලිවීමට නම්, මේම කර්තවයය සාර්තකත්වයට එයද මනා පිටු බලයකි

වැඩි විස්තර සඳහා lankeeyasithuwili@gmail.com අමතන්න

බක් පොහොයේ වැදගත්කම

2010-03-28T06:01:00.000+05:30

බුද්ධ කාලීන ලක්දිව යක්ෂ, රාක්ෂ, නාග යනුවෙන් ගෝත්‍රික කොටස් තුනක් වාසය කල බවත් මෙයින් නාග ගෝත්‍රිකයන් කොටස් දෙකක් එනම් කොටසක් මුහුදේද අනෙක් කොටස ගොඩබිමද වාසය කල බව පොත පතේ සඳහන්.. සාගරයේ නා රජු වූ මහෝදර යොදුන් පන්සියයක නාග රාජ්‍යයකට අධිපති වූ අතර මහත් බලයකින් යුක්ත වූ බව මහාවංශයේ සඳහන් වෙනවා. ඔහු තම බෑනා වූ චූලෝදර සමග ආරම්භ කිරීමට ගිය යුද්ධයක් නවත්වනු පිණිස දේවාති දේව නිදුකාණන් වහන්සේ දෙවනි වරට ලංකාවට වැඩමවීම සිදු වෙන්නේ සම්බුද්ධත්වයෙන් පස් වසක් ගිය තැන බක් මස අව පසොලොස්වක් පොහෝදාකයි.

චූලෝදරගේ නා රජුගේ මව මහෝදර රජුගේ සහෝදරියක්. ඇයට කත්වඩමන් පර්වතයේ නා රජුට දාව ඉපදුනේ චූලොදර රජුයි. මහෝදර රජුගේ පියාණන්, මියයන විට දී ඔහුට අයත් වටිනා මැණික් පුටුව, මහෝදර පුතුට නොදී, චුලොදරගේ මෑණියන් වූ දියණියට භාර දු. නා රජවරු දෙදෙනාගේ විරසකයට හේතු වූයේ එයයි.

සිදු වන්නට යන මහත් වූ විනාශය දැක එය වලක්වනු පිණිස නිදුකාණන් වහන්සේ නාගදීපය වෙත වැඩම කලා. නිදුකාණන් වහන්සේගේ මේ ගමනට දෙව්රම් දොරටුවේ කිරිපලු රුක අරක්ගෙන සිටි සමිද්ධි සුමන නම් දෙවියා ද එකතු උනා. ඔහු තමාගේ භවන වූ කිරිපලු රුක ද උදුරාගෙන තථාගතයන් වහන්සේට ඡත්‍රයක් මෙන් අල්ලාගෙන, තමා පෙර ජාතියේ විසූ ස්ථානය වන නාගදීපයට පැමිණියා. සමිද්ධි සුමන දිව්‍ය රාජයා, දෙව්රම් වෙහෙර දොරටුවේ කිරිපලු රුකට අධිපති දේවතා වන්නට පෙර ජාතියේ නාගදීපයේ මනුෂ්‍යයකුව ඉපිද එකල කිරිපලු වෘක්‍ෂයක් යට වැඩ සිට දන් වළඳන පසේ බුදුවරයන් වහන්සේ දැක උන්වහන්සේට පාත්‍ර පිරිසුදු කර ගන්නට කොළ කඩා දුන් ඒ පින් බලෙන් දෙව්රම් වෙහෙර කිරිපලු රුකෙහි දෙවියකුව උපන් බව මහාවංශයේ සඳහන්.

මෝහාන්ධකාරය දුරුකල අප නිදුකාණන් වහන්සේ යුධ භූමියේ අහසේ වැඩ වෙසෙමින් මහත් වූ බියකරු ඝණඳුරක් මවා පා, එයින් බියට පත් නාග ගෝත්‍රිකයන් බියෙන් මිදවීමට නැවත ආලෝකය ඇති කලා. අහසේ වැඩ සිටි නිදුකාණන් දුටු සියල්ලෝම උන් වහන්සේ දෙපා නැමද පිලිගත්තා. ඔවුන් සමගි කිරීමට සාමයේ වැදගත්කම, උඩගුවීමේ ආදීනව ගැන කියවෙන පන්සිය පනස් ජාතක පොතේ දැක්වෙන කාකොලුක ජාතකය (269) , එන්දන ජාතකය (467) , ලටුකික (352) හා වට්ටක (388) ජාතක අළලා ධර්ම දේශනා කළ උන්වහන්සේ තමාට පූජා කල මැණික් පුටුව සහ කිරිපලු රුක යන දෙකම පූජා වස්තූන් වශයෙන් නා රජවරුන්ටම පවරා දුන්නා.

- පාදක සටහන් -

ලක්දිව දෙවන වරටත් බුදු සිරිපා පහසින් පිවිතුරු වූ බක් පොහොය - ඇන්නරුවේ රතනසිරි හිමි
අසමසම බුදුරදුන්ගේ අපරිමිත කරුණාවේ මතක සටහන - පේ‍්‍රමසර ඈපාසිංහ
THE VISIT OF THE TATHAGATA - THE MAHAVAMSA - Translated by Wilhelm Geiger
සොළොස්මස්ථානය - විකිපිඩියා

- ඒ අවස්ථාවේ දේශිත ජාතක කතා -

කාකොලුක ජාතකය (269)
එන්දන ජාතකය (467)
ලටුකික ජාතකය (352)
වට්ටක ජාතකය (388)

- නාගදීපය වඳින ගාථාව -

භගිනීසුත මාතුලේහි දින්නේ
මණිපල්ලංකවරේ යඟිං නිසින්නෝ,
මුණිධම්ම මදේසයී මුනීනං
සිරසා තං පණමාමි නාගදීපං

- නාගදීපයේ ඡායාරූප -

http://www.flickr.com/photos/69672333@N00/sets/72157623713822976/

2010 සිංහල බ්ලොග් මැරතන් තරඟය

2010-03-27T10:38:00.000+05:30

සිංහල බ්ලොග්කරුවන්ගේ සංසදය මගින් පවත්වනු ලබන 2010 බ්ලොග් මැරතන් ඉසව්වට ලාංකීය සිතුවිලි මෙසේ සුභාශිංෂණ ගෙන එනු ලබයි.

එයට දිරියක් දෙමින් එම සංසදයේ අවසර ඇතිව, එම තරඟය සමගාමී ලෙස විකාශය කිරීමට ලාංකීය සිතුවිලි මෙලෙස සැදී පැහැදී සිටියි. ඔබට තරඟයේ තොරතුරු එ‍සැනින් ගෙන ඒමේ අරමුණ මුලීකත්වය ලෙස තබාගනිමින්, නවමු අත්දැකීම්ද කිහිපයක් එයට එක් කිරිමට කටයුතු යොදා ඇත. එක් වන්න ඔබත් බ්ලොග් මැරතන් සමඟ. තරඟය විකාශනය කරන අලුත් නාලිකා ‍දැනටමත් ඔබ වෙනුවෙන් විවෘතව පවතීයි. විශේෂ මැරතන් නාලිකාව වෙත මෙතනින් පියනගන්න

බ්ලොග් මැරතන් ගැන වැඩිපුර දැනගන්න

මේපාරත් බ්ලොග් මැරතන් එකක් තියමුද ?
සිංහල මිනි බ්ලොග් මැරතන්
මොකක්ද මේ බ්ලොග් මැරතන්

අපගේ ඉදිරි ගමන කෙසේ වනු ඇත්ද?

2010-03-22T20:55:00.000+05:30

වසර 2010 යේ දෙවැනි මස 19 වන දිනකදී අන්තර්ජාලයට මුදා හැරි ලාංකීය සිතුවිලි වල මුල්ම සාමාජීකයා සහන් සටහන් විය. ඔහුගෙන් ඇරඹි මේ ගමන අදවන විට සිංහල හා ඉංග්‍රීසි අඩවි 350 කට ආසන්න ප්‍රමණයකින් සමන්විතය. තිබුණු අඩවියක තවත් කෙටි නමක් හෙවත් සබ් ඩොමෙයිනයක් ලෙස ඔබ හමුවට ආ ලාංකීය සිතුවිලි මේ වන විට බොහෝ රචකයන් හා පාඨකයන් අතරට ගොස් හමාරය. ඔබගේ අසීමිත උදව් උපකාර මතින් මෙතෙක් දුරක් පැමිණි අප, ඔබට හිස නමා අචාර කරන්නෙමු.

සාම්ප්‍රදායික දිගහැරුමකට නවමු අද්දැකීම් එක් කරමින්, අලුත් අදහස් ඔබ වෙත ගෙන ආ අප වඩාත් ජනප්‍රිය හා වැඩදායි අංගයක් වන පටස් එකතුවක් හඳුන්වා දුන්නේ ඔබගේ පහසුව සඳහාමය. එහිම දිගුවක් ලෙස පට්ට පටස් හදුන්වා දුන්නේ පාඨකයන්ට වඩාත් පහසු වීම අරමුණුකර ගනිමිනි. පාඨකයන් හා රචකයන් එක් තැනකට ගෙන එන අරමුණින් "වැඩි පහසුකම් යටතේ "ලාංකීය සිතුවිලි" එකම අඩවියකට" යන තේමාව පෙරටුකර වෙනස් මගක දිගු ගමනකට මං පෙත් විවර කරමින් මෙසේ ලාංකීය සිතුවිලි දිනෙන් දින ඔබ හමුවට වඩ වඩාත් සමීපවෙමින් සිටියි.

මෙම කර්තව සාර්තකව කරගෙන යාම සඳහා දැනට අප සතු වටිනා සම්පත් හයක් ඇත. ඔවුන් මෙපමණ කලක් තම සේවය නිහඬවම ලබාදුන්නේය. පටන් ගැන්ම වැප් විසින් කලද, අනික් සහෝදරයන් පස් දෙනා නොමැති මෙපමණ සාර්තක ගමනක් කෙසේවත් සිදු නොවන බව සක් සුදක් සේ පැහැදිලිය. මෙපමණ දුරක් පැමිණිමේට මනා වු පිටු බලයක් දෙමන් පටන් ගත් දින කිහිපය අතර තුරම මෙයට එක් වු දෙවැන්නා වුයේ තරිඳු ය.ඉන්පසු පිලිවෙළින් කණියා , චතුරංග , අයිසමන් හා සහන් මෙම කර්තව්‍යය සඳහා මනාවු පිටු බලයක් ගෙන දුනි.
නිරන්තරයෙන් මෙහි ගුනදොස් සහ වෙනත් කටයුතු වලට තම ශක්ති ප්‍රමාණයෙන් උපරිම සහායදෙමින් අපත් සමග නිබදවම රැදෙන සුමින්ද හේමාල් හා බිගුවාද අපි මෙ‍හිදී හෘදයාංගමව සිහිපත් කරන්නෙමු.

තාක්ෂණයේ උපරිම පල ප්‍රයෝජන ගනිමින් නිර්මාණය කර ඇති ලාංකීය සිතුවිලි, එහි ප්‍රථිඵල ඔබ වෙත ලබා දී අති බව සතුටු සිතින් ප්‍රකාශ කරන්නෙමු. විශේෂයෙන්ම ඔබ අවසනට ලියු ලිපියේ සිට අද දක්වා කාලය මෙන්ම. ඔබ දැනට ලියා ඇති ලිපි ගණනද මෙතුලින්ම දැන ගත හැක. ඉංග්‍රීසි භාෂාවේ වචන තේරුම් දැන ගැනීම පහසු වනු පිණිස ශබ්ද කෝෂයක් ද මුල් පිටුවටම එකතු කර ඇත. අදහසට ඉඩක් වෙන් කර ඇත්තේ ඔබගේ යෝජනා චෝදනා මෙන්ම වෙනත් ඔනැම නිවේදනයක් ඇතුලත් කීරිම සඳහාමය. ඊයේ සිට ඔබට හදුන්වා දුන් නවමු අද්දැකීම වු නොකියු ඔබට ලිපි මගහැරීමට විසඳුමක් ලෙස ඉදිරිපත් කර ඇත. ඒමෙන්ම බ්ලොග් ලිපි මත ක්ලික් කිරීමේදී අලුත් ටැබ් එකක් පැමිණීමද බ්ලොග් කියවන අතරින් ලාංකීය සිතුවිලි වලට පමණක්ම ආවේනික දෙයකි. මෙය කුඩා දෙයක් නමුත් විශාල ලෙස ප්‍රයොජනයක් වන දෙයක් බව ඔබට දැනෙනවා ඇතැයි අපි සිතමු.

අපේ රටට ගැලපෙන විනයකින් හෙබි ලාංකීය සිතුවිලි, අපේ අනාගත පරපුර නොමග යැවීමට දිරි දෙන කිසිඳු ප්‍රචාරණ කටයුත්කට එකතු නොවන බව තරයේ කියා සිට්න්නෙමු. අපේ රට, අපේ ඉතිහාසය, අපේ කම රැක ගනිමින් ලොවට අලුත් යමක් දායාද කිරිමේ බලාපොරොත්තුවෙන් යන මේ ගමනට ඔබගේ පැමිණිම මහත් වු ශක්තියක් බව සතුටු සිතින් ප්‍රකාශ කරන්නෙමු. එම නිසා අපේ ඉදිරි ගමන කෙසේ විය යුතුදැයි යන වග ඔබගේ අදහසින්ම අප වෙත දක්වා එවන මෙන් ඉතා ඔනෑකමින් ඉල්ලා සිටිමු.

එවන්න යෝජනා info@inetlanka.com

වැඩි පහසුකම් යටතේ "ලාංකීය සිතුවිලි" එකම අඩවියකට

ඔබට බ්ලොග් ලිපි මගහැරෙනවාද? මෙන්න විකල්පය

2010-03-21T13:38:00.001+05:30

කාටත් තියන ප්‍රශ්නයකට විසඳුමක් දැන් ලාංකිය සිතුවිලි තුලින් ඔබ හමුවට ඉදිරිපත් කර ඇත. බොහෝ විට අප බ්ලොග් කියවනුයේ තවත් දහසකුත් එකක් වැඩ අතර විම පිළිගත යුතු සත්‍යයකි. තවද ලාංකීය සිතුවිලි බොහොමයක් වේගවත් නිසා ඔබට වටිනා ලිපි මග හැරීයාමද වැලැක්විය නොහැකි කරුණකි. එයට විසඳුමක් ලාංකීය සිතුවිලි තුලින් ඔබට මෙ‍ලෙස ඉදිරිපත් කරන්නෙමු. එම විසඳුම අපිට ආවේණික ක්‍රමයක් නිසා ඉක්මනින්ම ඔබ වෙත ගෙන ඒමට හැකි විය.

තිබුණු සිංහල වචනයට නව අරුතක් එක්කරමින් "නොකියු" නමින් ඔබ හමුවට පැමිණ ඇති මේ නවමු අද්දැකීම අනිවර්යයෙන්ම ඔබ ප්‍රියකරන නව අංගයක් වන බව ඉතා පැහැදිලිය. ඔබව හදුනා ගැනිම සඳහා "මම කැමතිම වචනය" යන්නට ඔබටම ආවේණිකවු වචනයක් යොදා ගත හැක. සිංහල හෝ ඉංග්‍රීසි ඔබටම වෙන්වු වචනයක් හෝ වි. ලිපිනය වඩාත් සුදුසු වනු ඇත. මෙය හුදෙක් ඔබ වෙන් කර හදුනා ගැනීමට පමණක් භාවිත කරන බව තරයේ කියාසිටින්නෙමු

ඔබ නොකියවූ ලිපි සියල්ලම රතු පාට තරු දෙකක් සහිතව දිස්වනු ඇත. අන් ලිපි සමාන්‍ය ආකාරයට දිස් වනු ඇත. ඔබට වඩාත් පහසු කියවීමක් සඳහා මෙම ක්‍රමය වඩාත් උදව් වනු ඇතැයි අප සිතන්නෙමු

වැඩි පහසුකම් යටතේ "ලාංකීය සිතුවිලි" එකම අඩවියකට

ලාංකීය සිතුවිලි තාවකාලිකව අත්හිටුවීම

2010-03-18T15:55:00.000+05:30

ලාංකීය සිතුවිලි අඩවිය වෙත මේ වනවිට දිනකට විශාල ප්‍රමාණයක් පැමිනෙමින් පවතී. එමනිසා අඩවියට වරින් වර අක්‍රීය වීමකට මුහුන පෑමට සිදුව ඇත. මෙම කරුණ නිසා අඩවිය ස්ථායීව පවත්වාගෙන යාම සදහා සර්වර් වැඩිදියුණුවක් කිරීමට සිදුව තිබේ. ‍

එබැවින් අද රාත්‍රියේ අත්‍යවශ්‍ය සර්වර් යාවත් කාලිනයක් සඳහා

8 p.m. (18th March 2010) to 8 a.m. (19th March 2010)

එනම් අද රත්‍රි 8 සිට හෙට උදේ 8 වන තෙක් වරින් වර ලාංකීය සිතුවිලි අඩපණ වනු ඇත. මෙම යාවත් කාලීනය මගින් ඔබට ඉක්මන් සේවාවක් සැපයීම අපේ අරමුණයි. එබැවින් එමගින් සිදුවන අපහසුතාවය පිළිබඳ අපගේ බලවත් කනගාටුව ප්‍රකාශ කරමු.

සිංහල - ඉංග්‍රීසි ශබ්දකෝෂය ලාංකීය සිතුවිලි තුලින්

2010-03-16T06:02:00.000+05:30

අපේ මව් බස සිංහල වනවා මෙන්ම එය පෝෂණය කිරිමද අප සතු යුතුකමකි. ඒ ගැන කිසිඳු විවාදයක් නැත. නමුත් අතර්ජාලය තුලින් ලොවම එක් තැන් කර ඇති බැවින්, තොරතුරු හුවමාරුව ඉතා සිඝ්‍රයෙන් සිදු වෙයි. ජාත්‍යන්තර භාෂාව ලෙස සැලකෙන ඉංග්‍රීසි දැන ගැනීම මෙහිලා ඉතා ප්‍රමුඛ කාරණයක් වන බව ඔබ අප සැම දන්නා කරුණකි. එයට රුකුලක් වෙමින් ඉතා පහසුවෙන් භාවිතා කල හැකි ශබ්දකෝෂයක් ලාංකීය සිතුවිලි තුලින් ඔබ හමුවට ගෙන විත් ඇත. එහි සිංහල-ඉංග්‍රීසි මෙන්ම ඉංග්‍රීසි-සිංහල ද සෙවුමට ලක් කල හැක.

එමෙන්ම ලාංකික සිතුවිලි භාවිත‍යෙන් බ්ලොග් කියවන ඔබගේ පහසුව පිණීස සිංහල ඉංග්‍රීසි ශබ්දකෝෂයක් දැන් ප්‍රධාන පිටුවටද එකතුකර ඇත.

ලාංකීය සිතුවිලි බ්ලොග් කියවනයේ නිල බ්ලොග් අඩවිය

2010-03-13T13:53:00.000+05:30

වසර 2500 ක ලිඛිත ඉතිහාසයක් හා ඊටත් පැරණි මානව ශිෂ්ඨාචාරයකට උරුම කම් කියන ලාංකීක අප දැන් මේ ගෙවා දමන්නේ පරිගණක තාක්ෂණ යුගයයි. අපේ ඉතිහාසය තුල, ආදිතමයන් විවධ වු අත්හදා බැලීම් හා විවිද ක්‍රම මගින් ලොවට අලුත් දෑ නිර්මාණය කර දුන්නද, ඉතිහාසයේ යම් යම් පරිච්ජේදයක් තුල අප ලබා ගත් දියුණවක් හෝ ඉදිරිපිම්මක් පැනීමට අවැසි දැනුමක් ගෙන හැර පාන්නට අසමත් විය. එය වු කලී අප ලද පරාජයකි. අපේ දියුණුවට, හෙට දවසට යොදා ගැනෙන නව දැනුම් හා සංකල්ප ඉදිරිපත් කීරිම අප සතු යුතුකම්ක් හා වගකීමක්ද වන්නේය. එනමදු උක්තයෙන් කී එම පරාජයම දිගට ඇදගෙන පැමිණි අප මේ වන විට පරිගණක ක්ෂේත්‍රය තුල යම් කිසි දියුණුවක් ලැබ ඇති බව කවුත් දන්නා පැහැදිලි කාරුණකි. එහෙත් එමගින්, අපේ භාෂාවෙන් අපට උවමනා පරිදි භාවිතයට ගැනීමට නොහැකිව බොහෝ කල් සිටීමට සිදුවිය.

සිංහල භාෂාව මගින් පරිගණකයේ වැඩ කිරීමට ඇති හැකියාව, සිංහල යුනිකේත පැමිණිමත් සමඟ වඩ වඩාත් වැඩි දියුණු හා ජනප්‍රිය විය. මෙය වු කලි අපි ලද විශාල ජයග්‍රහණයකි. එම නිසා සිංහල යුනිකේත නිර්මණයේ හා එම වැඩ පිළිවෙලට අත හිත දෙමින් උදව් උපකාර කල සැමට අපි අපේ ආචාරය මෙසේ මහත් වු අභිමානයනේ පුද කරන්නෙමු. සිංහලයෙන් ලියන්නට කියවන්නට බොහෝ දෙනෙකු සිටියත් පරිගණක ක්ෂේත්‍රය තුල ඒ කර්තව්යය කර ගැනීමට නොහැකි වු හෙයින් බොහෝ දෙනෙක් පසු තැවිලි වන්නට ඇත. "මට හිතෙන අදහස් මගේ විදිහට මට පල කල නොහැකි වු යුගය විද්‍යුත් හා මුදෘති මධ්‍ය මගින් ඒකාධිකාරයකට යටත් කර තිබුණු බව එදා ඔබට සිතෙන්නට ඇති. එහෙත් වර්තමානය තුල එය තව දුරටත් යථාර්තයක් වී නොමැත.

සිංහල යුනිකේත පැමිණිමත් සමග අප තුල සැඟව තිබු අපේ නිදහස් අදහස් කෙමෙන් කෙමෙන් පරිගණක ගත කර අන්තර්ජාලය හරහා ලොව වටා සිටින අපේම නෑයින් හට බෙදා හැරිම ඉතා සිඝ්‍රයෙන් සිදු වුණි. තනි තනිව ගිය ගමන එක්තැන් කරමින් සිංහල බ්ලොග් කියවනය, බ්ලොග් පාඨකයන් මෙන්ම බ්ලොග් ලියන්නන්ටද පහසුවක් ඇති කර දුනි. එමෙන්ම කොත්තු කියවනයද ඒ සඳහා රුකුලක් වු බව නිහතමානීව අප සඳහන් කල යුතුම වෙයි. එම සාමුහික බෙදා හැරීමේ කර්තවය සඳහා ඉතා මෑතකදි එක්වු ලාංකීය සිතුවිලි, කලින් සඳහන් කල කියවනයන් තුල තිබු විශේෂතා ද එක් කරගමින් නවමු මගක් ඔස්සේ මෙසේ කෙමෙන් කෙමෙන් පියමං කරමින් සිටියි. මේ ඉතා කෙටි කල තුල විශාල බාධක මහත් වු පරිශ්‍රමක් දරා විසඳා ගනිමින් ඉදිරයට ගලා යන ලාංකීය සිතුවිලි, ඔබ වෙත නවමු සංකල්ප හදුන්වා දී ඇත.

බ්ලොග් කියවනයක අවශ්‍යතාවය ඇති වන්නේ බ්ලොග් රචකයන් සිටිනම් පමණක් මෙන්ම ආධුනියන් කරලියට කැන්දා එමට බිලොග් කියවනයක් මනා පිටු බලයක් දෙන බවත් විශ්වාස කරන්නෙමු. දෙපැත්තම සමබර එකිනෙකා මත යැපෙමන් යන මේ ගමනට ලාංකීය සිතුවිලිද හැකි උපරිමයෙන් සහාය වන්නට අපේක්ෂා කරන්නෙමු

අන්තර්ජාලය තුල සෙමින් ගමනකට සැරසී සිටින ලාංකීය සිතුවිලි කියවනය සඳහා විශාල අඩුවක්ව පැවති නිල බ්ලොග් අඩවිය මෙසේ ඔබ වෙත ගෙන එන්නෙමු. ලාංකීය සිතුවිලි කියවනයේ විශේෂ නිවේදන, දැනුම් දිම් හා වෙනත් නිල නිවේදන සියල්ලම මෙය හරහා සිදුවන බව ඔබ සැමට ඉතා සතුටින් ප්‍රකාශ කරන්නෙමු. "වැඩි පහසුකම් යටතේ ' ලාංකීය සිතුවිලි ' එකම අඩවියකට" යන තේමාව ඔස්සේ ඔබ කරා පැමිණෙන අප, ඔබගේ යෝජනා හා චෝදනා ඉතා සතුටු සිතින් පිළිගන්නෙමු.

ලියන්න අපිට info@inetlanka.com විද්‍යුත් තැපෑල හරහා.